16 Iyun 2021 15:14
1063
CƏMİYYƏT
A- A+

ÜST: bir həftə ərzində dünyada koronavirusa yoluxma halları 12 faiz azalıb

 

Ötən həftə dünyada 2.6 milyondan çox koronavirusa yoluxma halı və 72 mindən çox ölüm halı qeydə alınıb. AZƏRTAC Ümumdünya Səhiyyə Təşkilatına (ÜST) istinadla xəbər verir ki, əvvəlki yeddi günlə müqayisədə yoluxma halları 12 faiz, ölüm halları isə 2 faiz azalıb. Bir həftə ərzində ən çox yoluxma (630 mindən çox) Hindistanda aşkar edilib.

ÜST-nin epidemioloji bülletenində qeyd edilir ki, yeni yoluxma və ölüm hallarının ümumi sayı azalmaqda davam edib: 7-13 iyun həftəsi ərzində 2.6 milyondan çox yoluxma və 72 mindən çox ölüm halları barədə məlumatlar daxil olub ki, bu da əvvəlki həftə ilə müqayisədə müvafiq olaraq 12 və 2 faiz azdır.

Bir həftə ərzində dünyada 2.655.782 yeni yoluxma halı və 72.528 ölüm halı qeydə alınıb. Pandemiyanın başlamasından bəri 13 iyun tarixinə qədər ümumilikdə 175.333.154 yoluxma və 3.793.230 xəstələrin ölüm halı qeydə alınıb.

Ötən həftə yoluxma halları ÜST-nin altı bölgəsindən beşində, o cümlədən Cənub-Şərqi Asiyada (27 faiz) və Avropada (13 faiz) azalıb, bununla belə artım Afrikada (44 faiz) qeydə alınıb. Ölüm halları Afrikada (20 faiz) və Cənub-Şərqi Asiyada (12 faiz) artıb, lakin xüsusilə Avropada (17 faiz) və Amerikada (7 faiz) azalıb.

ÜST-nin məlumatlarına əsasən, “narahatlıq doğuran variantlar”a aid edilən koronavirus ştamlarının yayılmasını dayandırmaq hələ ki, mümkün deyil. Xüsusilə, 2020-ci ilin sentyabrında Böyük Britaniyada aşkar olunan “Alfa” ştamı 172 ölkədə mövcuddur, bir həftə əvvəl onların sayı 161 idi. Sentyabr ayında Braziliyada aşkar olunan “Gamma” variantı, yeddi gündə coğrafiyasını 64-dən 68 dövlətə qədər genişləndirib. Hindistanda aşkar edildikdən sonra 2020-ci ilin oktyabrından bəri mütəxəssislərə məlum olan “Delta” ştamı, öz növbəsində, bir həftə ərzində altı yeni ölkəyə nüfuz edib və hazırda anda onların sayı 80-ə çatıb.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video