22 Noyabr 2021 20:37
1139
CƏMİYYƏT
A- A+

Uşaqları körpə vaxtından soyuq havaya öyrəşdirmək onların immunitet sistemini möhkəmləndirir

 

Soyuq aylarda azyaşlılar böyüklərlə müqayisədə virus və infeksion xəstəliklərə daha tez yoluxurlar. Bunun başlıca səbəbi vitamin çatışmazlığı və immunitetin zəif olmasıdır. Həkimlərin dediyinə görə, uşaqların immun sisteminin möhkəmlənməsi üçün onları erkən yaşlarından soyuq hava şəraitinə öyrəşdirmək lazımdır. Həmçinin azyaşlıların həddindən artıq qalın geyindirilməsi məsləhət deyil.

Həkim-pediatr Günay Rəsulova deyib: “Uşağın soyuq havaya öyrəşdirilməsi onların immun sistemini möhkəmləndirməkdə çox mühüm rol oynayır. Təəssüf ki, bəzi valideynlər uşaqları həddindən artıq istiyə öyrəşdirməyə meyillidir. Bunun ziyanı odur ki, havalar soyuyanda, uşaq isti şəraitdən soyuq şəraitə keçəndə onun həmin şəraitə uyğunlaşmağı zəif olur və həmin soyuq uşaq orqanizmi üçün bir stres faktoruna çevrilir. Bunun baş verməməsi üçün uşaq lap körpəlikdən yavaş-yavaş, tədricən həmin şəraitə öyrəşdirilməlidir”.

Onun sözlərinə görə, uşağın qaldığı otağın temperaturu maksimum 20-24 dərəcə olmalıdır. Həmçinin körpəni hər gün açıq havada ən azı bir saat gəzdirmək lazımdır: “Həmin temperaturda, deyək ki, 30-32 dərəcə isti temperatura uyğunlaşan uşaq xarici mühitə çıxanda tez xəstələnir. Bundan başqa uşağın soyuğa uyğunlaşdırılması və həmin mikroblarla təmas zamanı xəstələnməməsi üçün otağın temperaturunu normadan aşağı salmaq lazımdır. Lakin əksər ailələrdə valideynlər bunun əksini edərək otağı normadan isti saxlayırlar. Bu zaman otaqda yüksək temperatur nəticəsində uşağın nəfəs yollarında istidən quruma və qıcıqlanma baş verir, daha sonra isə öskürmə və burun tıxanması yaranır”.

Hətta körpənin hərarəti yüksələndə belə onu havaya çıxarmaq lazımdır. Bununla yanaşı, yeni doğulan uşaqları hər gün ilıq su ilə çimizdirmək tövsiyə olunur. 2 yaşdan sonra isə balacaları soyuq qidalara öyrəşdirmək məsləhət görülür.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video