18 Iyun 2016 01:06
765
Oxucu məktubları
A- A+

Uşaqlar uşaq verilişlərinə həsrətdirlər...

 

Üç qız anasıyam. Üçü də məktəblidir. Böyüyünün 13, kiçiyinin 7 yaşı var. Bütün uşaqlar kimi, onlar da televiziya verilişlərinə baxmağa meyillidirlər. Di gəl ki, məktəbdən və dərs hazırlığından sonra müəyyən istirahət saatlarında onlar üçün televiziya kanallarında münasib veriliş tapa bilmirik. Səbəb uşaq verilişlərinin Azərbaycan televiziyalarında son dərəcə azlığıdır. 

Olan uşaq verilişlərində də maarifləndirici heç nə yoxdur. Ən yaxşı halda pərakəndə, vaxtsız-vədəsiz təqdim olunan cizgi filmləri ilə rastlaşırıq. O da ya uşaqlar məktəbdə olarkən - səhər tezdən, ya da uşaqlar yatan vaxtlarda göstərilir.

Məcburiyyət qarşısında qızlara Türkiyənin tematik uşaq kanallarına baxmalarına icazə veririk. Onlar da oturub həvəslə bu kanalları izləyirlər.

Amma istərdik ki, öz kanallarımızda yayımlanan uşaq verilişlərinə baxsınlar.

İstəyimiz odur ki, bütün yaş qruplarına müvafiq verilişlər çəkilsin,  sistemli və münasib vaxtlarda yayımlansın. Əsas təvəqqemizin biri də bu verilişlərin keyfiyyətli hazırlanmasıdır. Axı uşaqların etik, estetik tərbiyəsindən tutmuş mənəviyyatlarının, dünyagörüşlərinin formalaşmasında maarifləndirici verilişlərin böyük rolu, təsiri var. Bir də ki, ekran qarşısında mənalı və əyləncəli istirahət həm də uşaqların haqqıdır. Bəlkə elə buna görə ayrıca uşaq kanalının açılmasının da vaxtı çatıb.

 

Əfsanə HAFİZLİ,

Bakı şəhəri

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video