30 Oktyabr 2021 14:01
576
Mədəniyyət
A- A+

UNESCO: Frankofoniyanın 50 illiyində Azərbaycan Daimi Nümayəndəliyi müşahidəçi qismində iştirak edib

 

UNESCO yanında Frankofon-fransız dilli ölkələr Qrupunun təşkilatçılığı ilə qurumun mənzil -qərargahında Frankofoniyanın 50 illiyi münasibətilə tədbir keçirilib.

AZƏRTAC xəbər verir ki, Frankofoniyanın 50 illiyinə həsr edilmiş tədbirdə 31 fransız dilli ölkə iştirak edib. UNESCO yanında Azərbaycan Daimi Nümayəndəliyi tədbirə müşahidəçi qismində qatılıb.

Tədbirin əvvəlində UNESCO yanında Frankofon-fransız dilli ölkələr Qrupunun prezidenti, Tunisin UNESCO yanında daimi nümayəndəsi, səfir Qazi Gerairi, Frankofoniya Baş Katibliyinin nümayəndəsi, UNESCO Baş direktorunun müavini çıxış edərək Beynəlxalq Frankafoniya Təşkilatının missiyasından söz açıblar. Mədəniyyətlərin mübadiləsi baxımından tədbirin əhəmiyyətinə toxunublar.

Tədbirdə Azərbaycan guşəsi ölkəmizin turizm imkanlarını təşviq edən reklam lövhələri ilə tədbir iştirakçılarının diqqətini cəlb edib. Daimi Nümayəndəliyimizin guşəsində milli suvenirlərimiz, misdən hazırlanmış su qrafini, dolça, şəkər qabı, gildən hazırlanmış vazalar, nar formasında şirniyyat qabları tədbir iştirakçıları tərəfindən maraqla qarşılanıb. Mədəni kimliyimizin ayrılmaz hissəsi, milli mətbəximizin dadlı təamları - dolma, eləcə də qutab stendimizin ziyarətçiləri tərəfindən yüksək qiymətləndirilib.

Ölkəmizin guşəsində Azərbaycanın UNESCO-nun İcra Şurasına namizədlik broşürləri, eləcə də İRS jurnalı təqdim olunub.

Xatırladaq ki, UNESCO ilə əməkdaşlığın inkişafında və mədəni irsimizin qorunması və dünya miqyasında təbliğində müstəsna rolu olan Azərbaycanın Birinci vitse-prezidenti, Heydər Əliyev Fondunun prezidenti, UNESCO və ISESCO-nun xoşməramlı səfiri Mehriban Əliyevanın dəstəyi ilə hazırda dolma hazırlama və paylaşma ənənəsi, lavaş bişirmə və paylaşma ənənəsi, xalça sənəti, Lahıc misgərlik sənəti, Nar bayramı, ənənəvi nar festivalı və mədəniyyəti UNESCO-nun Qeyri-Maddi Mədəni İrs üzrə Reprezentativ Siyahısına daxil edilmişdir. Bu baxımdan mədəni irsimizin tərkib hissəsi olan bu ənənə və sənətlər həmişə UNESCO-da Daimi Nümayəndəliyimiz tərəfindən təşviq edilir.

Tədbir Konqo “Pierre Ngoula” ansamblının performansı ilə davam edib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video