Türkiyəli psixoloqlar Vətən müharibəsi nəticəsində mənəvi-psixoloji problemlər yaşayan 1800 şəxsə yardım göstəriblər
Vətən müharibəsi nəticəsində mənəvi-psixoloji problemlər yaşayan vətəndaşlara yardım məqsədilə Fövqəladə Hallar Nazirliyi (FHN) tərəfindən Türkiyədən dəvət edilmiş peşəkar klinik-psixoloq və psixoterapevtlərin iyulun 12-də mətbuat konfransı keçirilib.
AZƏRTAC xəbər verir ki, mətbuat konfransında jurnalistlərin suallarını FHN-in Tibbi və psixoloji yardımın təşkili şöbəsinin rəisi, tibb xidməti polkovnik-leytenantı Xanım Sofiyeva və Türkiyədən ölkəmizə gələn peşəkar klinik-psixoloq və psixoterapevtlərdən ibarət nümayəndə heyətinin rəhbəri Selçuk Demirtaş cavablandırıb.
Şöbə rəisi Xanım Sofiyeva bildirib ki, bu müddət ərzində ümumilikdə 1800 nəfərə yaxın Vətən müharibəsi iştirakçısı, qazi, şəhid ailəsi üzvü və erməni terrorundan zərər görmüş digər şəxslərə yardım göstərilib: “Bakı şəhəri ilə yanaşı, terrordan ən çox ziyan görmüş Gəncə və Bərdədə, həmçinin respublikanın cənub və şimal bölgələrini əhatə etməklə Lənkəran və Qəbələ şəhərlərində də müharibədən və erməni terrorundan fiziki-mənəvi zərər görmüş vətəndaşlarımızın psixoterapevtik reabilitasiyası həyata keçirilib. Ümumilikdə, ötən müddət ərzində bütün regionlar üzrə FHN-in “112” Qaynar telefon xətti vasitəsilə mütəxəssislərin qəbuluna yazılmış 1800 nəfərə yaxın Vətən müharibəsi iştirakçısı, qazi, şəhid ailəsi üzvü və erməni terrorundan zərər görmüş digər şəxslərə 4 mindən çox psixoterapevtik seanslar təşkil edilməklə müvafiq yardımlar göstərilib”.
X.Sofiyeva qeyd edib ki, Türkiyə Respublikasından olan psixoloq mütəxəssislərin iştirakı ilə 2021-ci il iyulun 13-dən başlayaraq Sumqayıt şəhəri, Zülfü Hacıyev küçəsi, 79 ünvanında yerləşən Yeni Azərbaycan Partiyası Sumqayıt şəhər təşkilatının inzibati binasında müharibədən və erməni terrorundan fiziki və mənəvi zərər görmüş vətəndaşlarımızın psixoloji reabilitasiyası işinə başlanılacaq. Ödənişsiz həyata keçirilən seanslarda iştirak etmək üçün FHN-in “112” Qaynar telefon xətti ilə əlaqə saxlamaq lazımdır.
Mətbuat konfransında çıxış edən Selçuq Demirtaşın dediyinə görə, psixoterapevtik reabilitasiyasının həyata keçirildiyi ilk iki ay olduqca ağır keçib: “Müharibədən dərhal sonra müraciət edənlərin əksəriyyətində şiddətli baş ağrıları, yuxusuzluq, gələcəyə ümidsiz yanaşma kimi stres halları müşahidə edilib. Şükürlər olsun ki, psixoterapevtik seanslar uğurla nəticələnib. Reabilitasiyadan keçən bir çox Vətən müharibəsi qazisi psixoloji sağlamlıqlarına qovuşublar. Əksəriyyəti iş həyatına qayıdıb, bəziləri isə hətta ailə qurublar. Lakin psixoterapevtik reabilitasiya üçün çox az şəhid ailəsi üzvü müraciət edib”.
Məlumata əsasən, bu günədək Gəncədə 225, Bərdədə 245, Lənkəran və Qəbələdə isə müvafiq olaraq 144 və 125 vətəndaş psixoloji yardım üçün qəbula yazılıb. Psixoloji yardımla bağlı müraciət edənlərin 60 faizi müharibə iştirakçıları, 20-25 faizi isə erməni terrorundan zərər görmüş digər şəxslərdir.
Xatırladaq ki, Fövqəladə Hallar Nazirliyi tərəfindən 20 nəfərdən ibarət türkiyəli psixoloqlar heyəti Vətən müharibəsi nəticəsində mənəvi-psixoloji problemlər yaşayan vətəndaşlara yardım məqsədilə cari ilin yanvar ayında dəvət ediliblər.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Gürcüstanda müsəlman icmasına daha 20 məscid veriləcək
29 Mart
Cəmiyyətin Ermənistan işğalı altında olan kəndlərin azad ediləcəyi ilə bağlı gözləntisi yüksəkdir-SO...
29 Mart
Oğuz sakinlərindən nəcib təşəbbüs - yanmış meşə sahələri bərpa edilir
29 Mart
İnzibati Xətalar Məcəlləsinin bir sıra maddələri üzrə cərimələrin məbləği artırılır...
29 Mart
“Şahin” hərbi-idman oyununun Şəki rayon turunda 11 komanda mübarizə aparıb
29 Mart
“N” hərbi hissəsində komanda-qərargah təlimi keçirilib
29 Mart
Ermənistanda Vladimir Solovyovun verilişlərinin yayımı dayandırılıb
29 Mart
Bərpa olunan enerji mənbələrindən istifadə sahəsində layihələrin həyata keçirilməsi üzrə komissiyanı...
29 Mart
Azərbaycanda su təchizatı və kanalizasiya sisteminə qoşulmanın qayda və şərtləri yenilənəcək...
29 Mart
“İlham Əliyev. İnkişaf - məqsədimizdir” çoxcildliyinin 132-ci kitabı çapdan çıxıb
29 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!