19:35 13 May 2021
ONLINE XƏBƏR LENTİ
Zəfər qoxulu payızım...
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Türkiyə ilə Azərbaycan arasında bənzərsiz qardaşlıq münasibətləri ortaq tarixə və mədəniyyətə əsaslanır
ANA SƏHİFƏ / SİYASƏT
13:35 03.05.2021

 

Türkiyə ilə Azərbaycan arasında dünyada bənzəri olmayan qardaşlıq münasibətləri ortaq tarixə və mədəniyyətə əsaslanır. Ölkələrimiz arasında siyasi, iqtisadi, ticari, hərbi, sosial və mədəni əlaqələr və əməkdaşlıq geostrateji əhəmiyyət kəsb edir.

AZƏRTAC xəbər verir ki, bu fikirlər Türkiyənin Azərbaycandakı yeni səfiri Cahit Bağcının müraciətində əksini tapıb.

Qarabağda ermənilərin 30 illik işğalına son qoymuş 44 günlük Vətən müharibəsində qazanılan Qələbənin Azərbaycanla yanaşı, Türkiyə vətəndaşlarının da sevincinə səbəb olduğunu bildirən səfir deyib: “Türkiyə bu Vətən müharibəsində öz qardaşlıq borcunu yerinə yetirərək, Azərbaycanı qətiyyən yalnız qoymadı. Müharibənin əvvəlindən sonunadək qardaşının yanında oldu, dosta və düşmənə birliyin gücünü nümayiş etdirdi”.

Son dövrlərdə Azərbaycan ilə Türkiyə arasında bütün sahələrdə əməkdaşlıqda böyük irəliləyişin qeydə alındığını vurğulayan Cahit Bağcı bildirib: “Bakı-Tbilisi-Ceyhan neft və Bakı-Tbilisi-Ərzurum qaz kəmərlərindən sonra enerji təhlükəsizliyimizi daha da artıran Trans-Anadolu (TANAP) və Trans-Adriatik (TAP) qaz kəmərləri işə salınıb. Bakı-Tbilisi-Qars dəmir yolu regiondakı nəqliyyat şəbəkəsinin inkişafı baxımından böyük potensiala malikdir. Türkiyə və Azərbaycan bütün imkanları ilə regionun təhlükəsizliyinə və sabitliyinə töhfə vermək məqsədilə səylərini birləşdirib”.



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM