18 Iyul 2013 03:07
315
PARLAMENT
A- A+

Türkiyə Ermənistan-Azərbaycan, Dağlıq Qarabağ münaqişəsində daim ölkəmizin haqlı mövqeyini dəstəkləyir

 

İyulun 17-də Milli Məclisin Sədri Oqtay Əsədov Azərbaycanda səfərdə olan Türkiyə Respublikasının xarici işlər naziri Əhməd Davudoğlu ilə görüşmüşdür.

Görüşdə Oqtay Əsədov iki qardaş ölkə arasında yüksələn xətt üzrə inkişaf edən münasibətlərdən danışmışdır. Bildirmişdir ki, Türkiyə-Azərbaycan Yüksək Səviyyəli Strateji Əməkdaşlıq Şurasının yaranması ölkələrimiz arasında münasibətlərin yeni mərhələyə qədəm qoymasına stimul vermişdir.

Dünya dövlətləri üçün nümunə olan Azərbaycan-Türkiyə münasibətlərindən danışan Oqtay Əsədov qeyd etmişdir ki, dövlətlərimizin başçılarının qarşılıqlı səfərləri ölkələrimiz arasında əlaqələrin inkişafında xüsusi rol oynayır. Səfərlər çərçivəsində 180-ə yaxın ikitərəfli sənədin imzalandığını qeyd edən sədr yaxın vaxtlarda 19 yeni sənədin də imzalanacağını diqqətə çatdırmışdır.

Ölkələrimiz arasında hüquqi, siyasi münasibətlərin ən yüksək səviyyədə olduğunu qeyd edən Oqtay Əsədov bildirmişdir ki, Azərbaycan-Türkiyə iqtisadi əlaqələri də yüksələn xətt üzrə sürətlə inkişaf edir.  Ötən il ölkələrimiz arasında ticarət dövriyyəsi 2,5 milyarddan artıq olmuşdur. Dövlətlərimiz arasında qarşılıqlı investisiya qoyuluşları da günbəgün inkişaf edir. Azərbaycan Respublikası Dövlət Neft Şirkəti 2018-ci ilədək Türkiyə iqtisadiyyatına 18 milyarda yaxın investisiya qoyuluşunu həyata keçirmək iqtidarındadır.  Ölkəmizə yatırılan sərmayələrin 36 faizi məhz Türkiyə şirkətlərinin payına düşür. Bu investisiyaların böyük əksəriyyətini qeyri-neft sektoru təşkil edir. 

Sədr  qeyd etmişdir ki, Azərbaycan və Türkiyə bütün beynəlxalq təşkilatlarda bir-birilərini daim dəstəkləyirlər.

Ermənistan-Azərbaycan, Dağlıq Qarabağ münaqişəsinə toxunan Oqtay Əsədov bildirmişdir ki, bu məsələnin həllində ölkəmiz əsas dəstəyini məhz Türkiyədən alır.

Qonaqpərvərliyə görə minnətdarlığını bildirən Əhməd Davudoğlu Azərbaycana hər səfərində ölkəmizdə gördüyü yüksək inkişafdan qürur duyduğunu qeyd etmişdir.

Türkiyə xarici siyasət idarəsinin rəhbəri iki qardaş ölkənin birlikdə Bakı-Tbilisi-Ceyhan, Bakı-Tbilisi-Qars, Bakı-Tbilisi-Ərzurum kimi çox önəmli layihələri həyata keçirdiyini vurğulamışdır.

Nazir yaxın vaxtlarda Azərbaycan və Türkiyə arasında diplomat mübadiləsinin də həyata keçiriləcəyini diqqətə çatdırmışdır.

Ermənistan-Azərbaycan, Dağlıq Qarabağ münaqişəsində ölkəmizin  haqlı mövqeyini həmişə dəstəklədiklərini deyən Türkiyənin xarici işlər naziri diqqətə çatdırmışdır ki, Cənubi Qafqazda sülhün bərqərar olması üçün Azərbaycanın ərazi bütövlüyü təmin edilməlidir.

Ümummilli lider Heydər Əliyevin "Biz bir millət, iki dövlətik" müdrik kəlamını xatırladan türkiyəli nazir, qardaş Azərbaycan ilə bütün sahələrdə əməkdaşlığın gələcəkdə də inkişaf etdiriləcəyini diqqətə çatdırmışdır.

 

AzərTAc

Foto A.MƏMMƏDOVUNDUR

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video