22 Noyabr 2021 11:48
734
SİYASƏT
A- A+

Türk professor: İkinci Qarabağ müharibəsində Azərbaycan əsgəri gücünü bütün dünyaya göstərdi

 

İstanbulda Azərbaycanın Vətən müharibəsində Zəfərinin birinci ildönümü və Şimali Kipr Türk Cümhuriyyətinin yaradılmasının 38-ci ildönümü münasibətilə konfrans keçirilib.

AZƏRTAC xəbər verir ki, tədbir Türkiyənin Anadolu Aydınlar Ocağı tərəfindən təşkil olunub.

Konfransda "Qarabağın dünəni və bu günü", "Qarabağ, böyük Vətən Zəfəri", "Müharibənin hərbi taktikası", "Kipr Sülh Hərəkatı" kimi mövzular ətrafında fikir mübadiləsi aparılıb.

Anadolu Aydınlar Ocağının rəhbəri professor İbrahim Öztek tədbirdə çıxış edərək Azərbaycanın İkinci Qarabağ müharibəsində qazandığı şanlı Zəfərin türklərin son 200 ildə Asiyada əldə etdiyi ilk Qələbə olduğunu vurğulayıb.

Qarabağın tarixi barədə danışan professor əzəli Azərbaycan torpağı olan bu bölgənin coğrafi mövqeyi baxımından əsrlər boyu cəlbedici məkan olduğunu, məhz bu səbəbdən də çar Rusiyası tərəfindən bufer zona kimi Ermənistan Respublikasının yaradıldığını bildirib. Ötən dövrdə azərbaycanlıların Xocalı soyqırımı kimi bir çox qətliamlara məruz qaldığını xatırladan professor deyib ki, Azərbaycan xalqı 44 günlük Vətən müharibəsində ermənilərə lazımi cavab verib.

İ.Öztek vurğulayıb ki, ötən ilin yayında ermənilərin Azərbaycanın Tovuz rayonuna hücumu, sözün əsl mənasında, bardağı daşıran son damla oldu. Ermənistanın bu və digər hərbi təxribatlarına cavab olaraq əks-hücum əməliyyatına başlayan qəhrəman Azərbaycan Ordusu Vətən müharibəsində parlaq Qələbə qazandı. Dünya hərb tarixinə qızıl hərflərlə yazılan İkinci Qarabağ müharibəsində Azərbaycan əsgəri gücünü bütün dünyaya göstərdi. Hər zaman olduğu kimi, bu müharibədə də dünyada bənzəri olmayan Türkiyə-Azərbaycan qardaşlığı özünü bir daha ən gözəl şəkildə büruzə verdi. Vətən müharibəsi tarixi Azərbaycan torpaqlarının öz sahiblərinə qaytarılması ilə yanaşı, həm də Zəngəzur dəhlizinin açılması üçün imkanlar yaratdı.

"Azərbaycan Silahlı Qüvvələrinin Müzəffər Ali Baş Komandanı İlham Əliyevin rəhbərliyi ilə bütün türk milləti olaraq bu təcavüzkar siyasətə qarşı çıxdıq, haqq səsimizi dünyaya çatdırmaq üçün əlimizdən gələni əsirgəmədik”, - deyə professor fikirlərini yekunlaşdırıb.

Sonra mövzular ətrafında fikir mübadiləsi aparılıb.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video