03 Aprel 2019 00:25
2968
Oxucu məktubları
A- A+

Torpaq borclu qalmır


Torpaq müqəddəsdir, həyat mənbəyidir. Zəruri olan bütün maddi nemətləri yetişdirir. Çəkilən zəhmətin, axıdılan alın tərinin qarşılığını həmişə artıqlaması ilə qaytarır, səxavətini əsirgəmir. Mən də taleyimi torpaqla bağlamışam.

Sovet dönəmində uzun illər Sabirabad rayonunda kolxoz sədri işləmişəm. O dövrdə ümummilli lider Heydər Əliyev Sabirabada da tez-tez gələr, dəyərli tövsiyələri ilə fəaliyyətimizi istiqamətləndirər, yüksək məhsuldarlığa nail olmağın yollarını göstərərdi.

Prezident İlham Əliyev də aqrar sektoru inkişaf etdirməyi qarşıya məqsəd qoyub. Bununla bağlı ənənəvi sahələr olan pambıqçılıq, baramaçılıqı, çayçılıq, üzümçülük və digər sahələrlə bağlı müşavirələr keçirib. Pambıqçılıqla bağlı ilk müşavirə Sabirabadda oldu. Müşavirədən sonra kənd çayxanalarında lövbər salan, günlərini boş-boşuna keçirən kişilər böyük inamla, həvəslə yenidən torpağa üz tutdular.

Dövlətin qayğısından, yaradılan imkandan bəhrələnib biz də pambıq əkib-becəririk. Keçən il 21 hektar sahədə məhsul yetişdirdik. Aqrotexniki tələblərə ciddi əməl edərək yüksək məhsuldarlığa nail olduq. Hər hektardan 38 sentner "ağ qızıl” götürdük. Bu, rayonumuzda yüksək nəticə sayılır. İl ərzində ümumi gəlirimiz 60 min manata yaxın oldu. Qazancımız çəkilən xərcləri ödəməklə bərabər, dolanışığımızı da təmin edir.

Cari ildə də pambıq əkmək üçün zavodla müqavilə bağlamışıq. Sahələrdə keyfiyyətli dondurma şumu edilmişdir. İndi qış aratına hazırlaşırıq. Qış aratı pambığın xəstəlik və zərərvericilərinə qarşı ən təsirli mübarizə vasitələrindəndir. Çiyid səpinində hər hektara 200 kiloqram hesabı ilə amofos verməyi nəzərdə tuturuq. Torpağın münbitliyini, məhsuldarlığını bərpa etmək üçün bu, çox lazımdır. Torpaq yumşaq, münbit və xam olanda oraya atmosfer havası yaxşı keçir, minerel və üzvi maddələrlə zənginləşir. Belə torpaqda bitkilər yaxşı inkişaf edir, məhsul bol və keyfiyyətli olur.

Təəssüf ki, əksər təsərrüfatlarda torpaqlar istismar olunur. Torpağın üzvi və kimyəvi tərkibini bilmədən bir sahəyə eyni məhsul dəfələrlə əkilir. Yaxşı olar ki, torpaqlar ayrı-ayrı bölgələr üzrə vaxtaşırı biokimyəvi analiz edilsin, mineral maddələrə olan ehtiyacları öyrənilsin. Belədə məhsul bolluğu uğrunda mübarizə daha yaxşı nəticə verər.

İxtiyar MEHDİYEV,

Sabirabad rayonu, Bulaqlı kəndində fermer

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video