14:51 18 Sentyabr 2021
ONLINE XƏBƏR LENTİ
00:27 18.09.2021

Təkcə qol çatmadı


Suqovuşanın təbiət mənzərələri FOTO
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Ticarət nümayəndəsi: Azərbaycanla Rusiya arasında ticari-iqtisadi əlaqələr artır
ANA SƏHİFƏ / İQTİSADİYYAT
23:18 14.09.2021

 

Azərbaycanla Rusiya arasında ticari-iqtisadi əlaqələr artmağa yönəlib.

AZƏRTAC xəbər verir ki, bu barədə Azərbaycanın Rusiyadakı ticarət nümayəndəsi Ruslan Əliyev “Heimtextile-2021” beynəlxalq sərgisində bildirib.

“Əlbəttə ki, iqtisadi əlaqələrin inkişafını dayandıran son pandemiya ili nəzərə alınmamalıdır. Amma bundan əvvəl hər il Azərbaycan məhsullarının Rusiya Federasiyasına ixracının artımını, eləcə də ticarət dövriyyəsinin çoxalmasını müşahidə edirdik. Son səkkiz ayda Azərbaycan məhsullarının Rusiyaya ixracının həcmi artmaqdadır. Rusiya biznesi Azərbaycana fəal şəkildə cəlb olunur”, - deyə ticarət nümayəndəsi qeyd edib.

R.Əliyev ticarət və iqtisadi əlaqələrin populyar istiqamətləri arasında Azərbaycandan kənd təsərrüfatı məhsullarının ixracını qeyd edib.

“Digər istiqamətlərə gəldikdə, bugünkü sərgi bunun bariz nümunəsidir. Azərbaycan “Heimtextile-2021” sərgisində ilk dəfə iştirak edir. Ondan əvvəl ayrı-ayrı istehsalçılar məhsullarını təqdim edirdilər, bu gün isə biz "Made in Azerbaijan" vahid stendi altında birləşdik. Sərgidə ilk dəfə olaraq əl işi xalça istehsalçısı “Azərxalça” dövlət konserni iştirak edir”, - deyə R.Əliyev vurğulayıb.

Onun sözlərinə görə, Azərbaycanın tekstil sənayesi Rusiya bazarına yeni çıxır.

“Düşünürəm ki, bizim çox böyük perspektivlərimiz var. Azərbaycanlı istehsalçılar ilə danışıqlar aparan və artıq müqavilə bağlayan Rusiya idxalçıları məhsullarımızı yüksək qiymətləndiriblər. Burada əsas rolu Rusiya istehlakçısı oynayır. Azərbaycan tekstili ilə qarşılaşdıqdan sonra satılan məhsulların həcmi də uğurumuzun göstəricisinə çevriləcək", - deyə ticarət nümayəndəsi sözünü yekunlaşdırıb.



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM