Yumurta təkcə ağı və sarısı ilə deyil, həm də qabıqları ilə sağlamlığa fayda verir. Araşdırmalar nəticəsində məlum olub ki, ən təbii, ucuz və bioloji cəhətdən istifadə edilə bilən kalsium mənbəyi yumurta qabığı tozudur.

Yarım yumurta qabığı yetkin bir şəxsin gündəlik ehtiyacı olan kalsium miqdarını təmin edir. Orta boy yumurta qabığından 1 çay qaşığına qədər yumurta tozu əldə etmək mümkündür. Bu da özündə təxminən 800 milliqram kalsium ehtiva edir.

Bununla bağlı aparılan eksperimental və klinik tədqiqatlar yumurta qabığı tozunun siçanlarda və insanlarda raxit xəstəliyinə mane olan müsbət cəhətlər olduğunu ortaya qoyub. Aparılan klinik tədqiqatlar göstərir ki, yumurta qabığı tozu ağrını azaldır, hərəkətliliyi və sümük sıxlığını artırır, eyni zamanda sümük əriməsinin qarşısını alır.

Kalsiumdan əlavə yumurta qabığının tərkibinə dəmir, sink, ftor, fosfor, mis və s. kimi vacib elementlər daxildir. Ümumillikdə yumurta qabığının kimyəvi tərkibi insan dişi, sümükləri və dırnaqlarının kimyəvi tərkibinə bənzəyir.

Uşaqlarda raxit və anemiya zamanı əsas müalicə ilə paralel olaraq verilən yumurta qabığı çox yaxşı kömək edir.

Böyüklərdə damaqların qanaması, əsəbilik, dırnaqların kövrək olması və tez qırılması, karies, osteoporoz zamanı və bu xəstəliklərin və pozulmaların profilaktikası üçün yumurta qabığı uğurla istifadə oluna bilər.

Lakin yumurta qabığını düzgün istifadə etmək lazımdır. İlk növbədə, yumurta təzə olmalıdır, kənd yumurtası (dükanlarda satılan yox!) istifadə olunmalıdır. Təbii ki, bütün digər xalq təbabəti vasitələri kimi, yumurta qabığı da yalnız əsas müalicəyə əlavə kimi və yalnız həkimlə məsləhətləşdikdən sonra istifadə oluna bilər.