27 Avqust 2021 13:02
246
CƏMİYYƏT
A- A+

Şuşa sakini: Ata yurdu heç nə ilə əvəz edilə bilməz

 

Vətən müharibəsində işğal altındakı torpaqlarımız düşmən tapdağından azad edildi. Bununla 30 ilə yaxın doğma yurdlarının həsrəti ilə yaşayan məcburi köçkünlərimizin də arzuları həyata keçmiş oldu. İndi onlar illərdir həsrətində olduqları doğma yurdlarına, evlərinə dönəcəkləri və daimi yaşayacaqları günü gözləyirlər.

Şuşa şəhər sakini Aftandil Rəsulov da 29 ildir doğulub boya-başa çatdığı şəhərinin, ata ocağının həsrəti ilə yaşayırdı. Artıq bu həsrət bitib. AZƏRTAC-ın bölgə müxbiri uzun illərdən sonra ata yurduna baş çəkən Aftandil Rəsulovla söhbət edib, sevincinə şərik olub.

Aftandil Rəsulov bildirib ki, Şuşa şəhərində dünyaya göz açıb. Ömrünün ən xoş günləri doğma şəhərində, ata yurdunda keçib: “Gördüyünüz bu ev mənim ata yurdumdur. Həyatımın ən gözəl anları burada keçib. 30 ildir doğma şəhərimizə, evimizə həsrət idik. Görürsünüz nə vəziyyətə düşüb? Əsas odur ki, bu gün biz torpağımıza qayıtmışıq. Ata yurdu heç nə ilə əvəz edilə bilməz. Ötən 30 ilə yaxın dövrdə elə bir gün olmurdu ki, mən öz torpağımızı, evimizi yuxuda görməyim. İndi torpağıma qovuşmuşam. Çox həyəcanlıyam. Evimizi əvvəlkindən də yaxşı bərpa edəcəyik. İnşallah övladlarımla, nəvələrimlə birgə ata yurduma qayıdıb yaşayacağam”.

Aftandil Rəsulov deyir ki, evləri Şuşanın Çuxur məhəllə deyilən ərazisində yerləşir. “Mənfur ermənilər məhəllədəki evlərin çoxunu, həmçinin onun evinin yaxınlığındakı məscidi və bulağı dağıdıblar. “Buralar xarabalığı xatırladır. İnşallah dövlətimizin qüdrəti ilə Şuşamız, bütün evlər, məscidlər, bulaqlar bərpa olunacaq və xoş günlərimiz yenidən başlayacaq”, - deyə Şuşa sakini bildirib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video