Sumqayıt keçmiş statusunu çoxdan dəyişib
İndi şəhərdə ekoloji cəhətdən təmiz, müasir sənaye müəssisələri fəaliyyət göstərir
Əsası Ulu Öndər Heydər Əliyev tərəfindən qoyulmuş sosial-iqtisadi kurs 18 ildir ki, Prezident İlham Əliyevin rəhbərliyi ilə uğurla davam edir. Şəhər və rayonlarımızda bunun nəticələrini aydın görmək olur. Bu sırada Sumqayıtın da xüsusi yeri var. 72 il əvvəl təvəllüd tapmış şəhərimiz bu illər ərzində böyük inkişaf yolu keçmiş və Cənubi Qafqazın sənaye mərkəzlərindən birinə çevrilmişdir.
Heydər Əliyevin arzularının və əməllərinin reallaşdığı Sumqayıt indi özünün yeni inkişaf mərhələsini yaşayır. Sənaye ənənələrinin davamı olaraq şəhərdə müasir texnologiyalara malik istehsal kompleksləri yaradılır. Artıq Sumqayıtda demək olar ki, köhnə istehsalat sahələri qalmamışdır. Onların əvəzinə Sumqayıt Texnologiyalar və Sumqayıt Kimya Sənaye parklarında onlarca müasir müəssisə fəaliyyət göstərir. Bu cür parkların yaradılması, ilk növbədə, istehsalın genişlənməsinə, idxalın əvəz edilməsi və yeni ixrac imkanlarının artmasına imkan verir.
Cənubi Qafqazda ən böyük, Azərbaycanda isə ilk olan Sumqayıt Kimya Sənaye Parkında hazırda 24 sahibkarlıq subyekti üçün münbit şərait yaradılmışdır. 17 rezidentin fəaliyyət göstərdiyi parkda 5500-dək insan işlə təmin olunmuşdur. Amma bu, son deyil, növbəti mərhələdə parkda daha 7 rezidentin - yun ipliklər və təmiz yun istehsalı, məmulatların (datanın) emalı, baytarlıq preparatlarının və yem əlavələrinin istehsalı, qablaşdırma məhsullarının istehsalı, şüşə tara məhsullarının, sulfat turşusunun istehsalı və polimer materialların emalı layihələrinin istismara verilməsi nəzərdə tutulur. Yeri gəlmişkən qeyd edək ki, Prezident İlham Əliyevin 2011-ci il dekabrın 21-də imzaladığı sərəncamla yaradılmış bu sənaye parkında hazırda ümumi investisiyaların həcmi 3,2 milyard ABŞ dollarına çatmışdır. Nəticədə burada məhsul istehsalı və ixracı istiqamətində müsbət dinamika davam edir. Belə ki, 2020-ci ilin birinci yarısında sənaye parkının rezidentləri tərəfindən 534 milyon manatlıq məhsul istehsal edilmişdisə, 2021-ci ilin eyni dövründə bu göstərici 794 milyon manat olmuşdur. Başqa bir fakt: 2020-ci ilin ilk 6 ayında park üzrə 182 milyon manatlıq məhsul ixrac edilmişdisə, bu ilin ilk yarısında ixracın dəyəri 267 milyon manata çatmışdır. Parkda istehsal olunan məhsullar Türkiyə, Rusiya, Ukrayna, Belarus, Çin, Tayvan, Bolqarıstan, Rumıniya, Polşa, Hollandiya, İtaliya, Çexiya, Makedoniya, Litva, Avstriya, Estoniya, Danimarka, Qazaxıstan, Özbəkistan, Türkmənistan, Tacikistan, Gürcüstan, Qırğızıstan, Braziliya, Misir, BƏƏ, Livan, İraq, Yaponiya, ABŞ, Kanada, İsrail, İspaniya və s. kimi ölkələrə ixrac edilmişdir.
Pandemiya şəraitinə baxmayaraq son iki ildə Kimya Sənaye Parkında bir neçə yeni müəssisə istifadəyə verilmişdir. 2020-ci il aprelin 6-da “Bakı Tekstil fabriki” MMC tərəfindən yaradılan tibbi maska istehsalı müəssisəsi və bu günlər istismara verilən “Azmonbat” zavodu Prezident İlham Əliyevin iştirakı ilə fəaliyyətə başlayıb.
“Azmonbat”da qurğuşun turşulu akkumulyator batareyalarının utilizasiyası aparılır və nəticədə propilen və yüksək sıxlıqlı polietilen, qurğuşun külçə, qurğuşunlu aktiv kütlə və ammonium sulfat məhlulu əldə olunur. Müəssisədə bir sıra ölkələrin qabaqcıl texnologiyalarından istifadə edilir. 100 nəfərin daimi işlə təmin olunduğu zavodda istehsal edilən məhsulların daxili bazardan başqa, Türkiyə, Bolqarıstan və MDB ölkələrinə ixrac edilməsi nəzərdə tutulur.
Sumqayıt Kimya Sənaye Parkında Karbamid zavodu və “SOCAR Polymer” layihələrinin icrası nəticəsində karbohidrogen ehtiyatlarına söykənən yeni məhsullar istehsal olunur. Bu zaman neft və qaz xammal kimi deyil, daha dəyərli məhsula çevrilərək satışa göndərilir. Bütün bunlar onu göstərir ki, Prezident İlham Əliyevin təşəbbüsü ilə Sumqayıtda yaradılan sənaye müəssisələri əsasən qeyri-neft sektorunun inkişafına yönəlir.
Sözsüz ki, Sumqayıtda yeni müasir texnologiyalara söykənən müəssisələrin yaradılması şəhərin enerjiyə olan tələbatını artırır və görülən tədbirlər sayəsində həmin tələbat ödənilir. Belə tədbirlərdən biri də gücü 525 meqavat olan “Sumqayıt” Elektrik Stansiyasının şəhərin 60 illik yubileyi ərəfəsində Prezident İlham Əliyevin xeyir-duası ilə istifadəyə verilməsidir. Müəssisə bu gün şəhərin və Abşeron yarımadasının enerji təhlükəsizliyində önəmli rol oynayır.
Ümumiyyətlə, ölkəmizdə enerji sisteminin maddi-texniki bazasının möhkəmləndirilməsi, potensialının artırılması, yeni stansiya və yarımstansiyaların inşaası, mövcudlarının əsaslı şəkildə yenidən qurulması istiqamətində mühüm layihələr icra olunur. Dövlət başçısının tapşırığına əsasən, 2018-ci ilin sonundan Enerjisistemin Reabilitasiya Proqramının qəbul edilərək icrasına başlanılması bu istiqamətdə həyata keçirilən işlər arasında xüsusi əhəmiyyəti ilə seçilir. Məlum olduğu kimi, bu proqramın icrası çərçivəsində tədbirlər görülməsəydi, 2019-cu və 2020-ci illərin yayında artan tələbatın, həmçinin Kür və Xəzərdə su səviyyəsinin kəskin aşağı düşməsinin fonunda enerjisistemdə problemlər yarana bilərdi.
Söz düşmüşkən. Son illər Xəzər dənizində suyun səviyyəsinin 1,7 metrə qədər aşağı düşməsi “Sumqayıt” Elektrik Stansiyasının soyutma suyu ilə təminatında ciddi problem yaratmaqla yanaşı, avadanlıqlarının da tədricən sıradan çıxmasına səbəb olmuşdu. Hətta bu səbəbdən il ərzində bir neçə dəfə qəza açılmaları baş vermişdi. Məhz Reabilitasiya Proqramı çərçivəsində “Sumqayıt” Elektrik Stansiyasında əsas avadanlıqlar, generatorlar və digər qurğular əsaslı təmir olunmuş, stansiyanın mövcud su nasos stansiyası yenidən qurulmuşdur. Aparılan bu işlər stansiyanın etibarlı və səmərəli fəaliyyətini təmin etmişdir.
Sübhan QULİYEV,
“Sumqayıt” qəzetinin baş redaktoru
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Türkiyədə fəlakət zonasındakı sakinlər hər ay 15 min evlə təmin ediləcək
19 Mart
Ölkənin əksər bölgələrinə yağış, dağlıq rayonlara qar yağıb
19 Mart
Azərbaycan nefti bahalaşıb
19 Mart
Sabahdan Azərbaycanda 7 günlük Novruz tətili başlayır
19 Mart
Mövcud hava şəraiti ilə bağlı sürücülərə müraciət edilib
19 Mart
Braziliyada hiss edilən temperatur 62 dərəcə Selsini keçib
19 Mart
Ümumdünya Buxara Yəhudiləri Konqresinin nümayəndə heyəti Qırmızı qəsəbəyə səfər edib...
19 Mart
Türkiyə və Rusiya prezidentləri arasında telefon danışığı olub
19 Mart
Türkiyə Prezidenti: Bu yay İraq sərhədimizin təhlükəsizliyini tam təmin edəcəyik
19 Mart
Füzuli şəhəri növbəti sakinlərinə qovuşdu
19 Mart
DİQQƏT ÇƏKƏNLƏR
Dostluqdan müttəfiqliyə14 Mart 2024
Azərbaycan islamofobiya ilə mübarizədə öndə gedir12 Mart 2024
Prezident İlham Əliyev və Prezident Kasım-Jomart Tokayev mətbuata bəyanatlarla çıxış ediblər YENİLƏN...11 Mart 2024
Mərhəmətin zərif rəmzi08 Mart 2024
Yüksək beynəlxalq etimadın növbəti nümunəsi07 Mart 2024
ÇOX OXUNANLAR
Hücum diplomatiyasından hücum taktikasına14 Mart 2024
Azərbaycan və Qazaxıstan enerji sahəsində də birgə addımlayır13 Mart 2024
Kasım-Jomart Tokayev: Qazaxıstan və Azərbaycan əməkdaşlığın yeni dövrünə qədəm qoyur10 Mart 2024
Azərbaycan beynəlxalq "yaşıl enerji" mərkəzinə çevrilir10 Mart 2024
Xoşbəxt qadın güclü cəmiyyətin təməlidir08 Mart 2024
Albaniya Azərbaycanın dəstəyini yüksək dəyərləndirir06 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!