16 Iyul 2021 00:46
1150
CƏMİYYƏT
A- A+

Şəhid Tərlan unudulmur

 

Corat kəndinin girəcəyindəki xatirə lövhəsinin önündən keçənlər Vətən müharibəsində şəhidlik zirvəsinə yüksəlmiş Tərlan Rzayevi ehtiramla yad edirlər.

Tərlan bu kənddə dünyaya göz açıb. Sumqayıtdakı 27 nömrəli orta məktəbdə təhsil alıb. Anası Simnarə xanım deyir ki, Tərlan uşaqlıqdan informasiya texnologiyalarına maraq göstərirdi. Ən böyük arzusu isə polis olmaq, dincliyin, asayişin keşiyində dayanmaq idi.

Vətən müharibəsi başlayanda Tərlan Rzayev Beyləqanda hərbi xidmət edirdi. Silaha sarılan, sinəsini yurda sipər edən 19 yaşlı bu igid Füzuli uğrunda döyüşlərdə şəhadətə qovuşdu.  Dövlətimiz Tərlan Rzayevi ölümündən sonra iki medalla təltif edib.

Həmkəndliləri, dostları, Tərlanı tanıyan digər insanlar onu yaddan çıxarmırlar. Şəhidlərimizin xalqın qəlbində həmişə yeri var!

 

Yusif MƏMMƏDOV,

keçmiş hərbçi

Sumqayıt şəhəri

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video