21:01 13 May 2021
ONLINE XƏBƏR LENTİ
Zəfər qoxulu payızım...
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Şəhid Məhəmmədəli Həsənzadənin xatirəsi anılıb
ANA SƏHİFƏ / CƏMİYYƏT
15:34 04.05.2021

Şəhid Məhəmmədəli Həsənzadə yaşasaydı, 22 yaşı tamam olacaqdı. Qəhrəmanımızın doğum günü ilə əlaqədar Qubadlı Rayon İcra Hakimiyyəti və YAP Qubadlı rayon təşkilatı birgə anım tədbiri keçiriblər.

AZƏRTAC xəbər verir ki, YAP Qubadlı rayon təşkilatının sədri Allahverdi Haxverdiyev, rayon icra hakimiyyətinin Vətən müharibəsi iştirakçıları və şəhid ailələri ilə iş üzrə şöbəsinin müdiri Emin Əliyev, Qubadlı rayon Ağsaqqallar Şurasının sədri Əvəz Hüseynov, şəhidin döyüş yoldaşları əvvəlcə Məhəmmədəli Həsənzadənin ailəsi ilə görüşüblər.

Sonra şəhidin xatirəsinə həsr olunan barelyef açılıb.

Daha sonra Sumqayıt şəhərindəki Şəhidlər xiyabanında şəhidin məzarı ziyarət olunub, ruhuna dualar oxunub.

Çıxışlarda vurğulanıb ki, Ali Baş Komandan, Prezident İlham Əliyevin rəhbərliyi ilə müzəffər Ordumuzun qısa zamanda əldə etdiyi nailiyyətlər, peşəkar idarəçilik, döyüş hazırlığının və hərbi vətənpərvərlik ruhunun daim yüksək olması nəticəsində torpaqlarımız düşməndən azad edildi. Hazırkı mürəkkəb tarixi şəraitdə ölkəmizin ərazi bütövlüyünün bərpası Müzəffər Ali Baş Komandanın güclü siyasəti və iradəsi, ordumuzun əzmi və qətiyyəti, xalqımızın həmrəyliyi sayəsində mümkün olub. Ölkəmizdəki xalq-iqtidar-ordu birliyi, sözün əsl mənasında, "dəmir yumruğa” çevrildi və işğalçının belini qırdı. Prezident İlham Əliyevin “dəmir yumruğu” tarixi ədaləti bərpa etdi.

Daha sonra şəhidin ailə üzvləri şəhid ailələrinə göstərdiyi diqqət və qayğıya görə dövlət başçısına minnətdarlıqlarını bildiriblər.

Qubadlı rayonunun Qilican kəndinin sakini Həsənzadə Məhəmmədəli Hörmət oğlu 1999-cu ildə Sumqayıt şəhərində anadan olub. 2016-cı ildə Qubadlı rayon Yuxarı Mollu kənd tam orta məktəbini bitirərək Azərbaycan Dövlət Turizm və Menecment Universitetinin Biznesin idarə edilməsi fakültəsinə daxil olub. 2020-ci ilin iyul ayında həqiqi hərbi xidmətə yollanıb.

2020-ci il sentyabrın 27-də Vətən müharibəsi başlayan gündən Məhəmmədəli Həsənzadə əvvəlcə Füzuli rayonu, daha sonra Xocavənd rayonu ərazisində döyüşüb. Noyabrın 6-da Xocavənd rayonu ərazisində gedən ağır döyüşdə şəhidlik zirvəsinə ucalıb və Sumqayıt şəhərində yerləşən Şəhidlər xiyabanında dəfn olunub.

Azərbaycan Respublikası Prezidentinin Sərəncamı ilə ölümündən sonra “Vətən uğrunda”, “Xocavəndin azad olunmasına görə” medalları ilə təltif edilib.



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM