28 Oktyabr 2021 18:32
963
DÜNYA
A- A+

Rusiyada son 24 saatda koronavirusa rekord sayda yoluxma qeydə alınıb  

Rusiyada son sutka ərzində koronavirusa 40 min 96 yoluxma (bir gün əvvəl 36 min 582) və 1159 ölüm halı (bir gün əvvəl 1123) qeydə alınıb.

AZƏRTAC xəbər verir ki, bu barədə TASS agentliyi Rusiyanın koronavirusun yayılması ilə mübarizə üzrə operativ qərargahına istinadla məlumat yayıb. Həm yoluxma, həm də ölüm hallarının sayı pandemiyanın əvvəlindən bəri maksimum göstəricidir.

Pandemiyanın statistikasını aparan Worldometer saytının məlumatına görə, indiyədək Rusiyada COVID-19 infeksiyasına 8 milyon 392 min 697 nəfər yoluxub, koronavirus səbəbindən ölənlərin sayı isə 235 min 57 nəfərə çatıb. Rusiya hər iki göstəricisi üzrə dünyada beşinci yeri tutur. Həmçinin ötən sutka ərzində 29 min 318 nəfər COVID-19 xəstəliyindən sağalıb və sağalanların ümumi sayı 7 milyon 272 min nəfəri ötüb. Aktiv xəstələrin sayı isə 885 min 587 nəfərə yüksəlib.

Xatırladaq ki, koronavirusla bağlı epidemioloji vəziyyətin ağırlaşması səbəbindən Prezident Vladimir Putinin sərəncamı ilə bütün ölkə üzrə oktyabrın 30-dan noyabrın 7-dək qeyri-iş günü elan olunub. Bəzi regionlarda “koronavirus tətili” oktyabrın 25-dən başlayıb. Epidemioloji vəziyyət pisləşməyə davam edərsə, qeyri-iş günlərinin sayının artırılacağı istisna olunmur.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video