30 Iyun 2021 23:57
697
SİYASƏT
A- A+

Rusiya Azərbaycan və Türkiyə prezidentlərinin 3+3 formatında əməkdaşlıq mexanizminin yaradılması təklifini dəstəkləyir

 

Türkiyə Prezidenti Rəcəb Tayyib Ərdoğanın Azərbaycana səfəri Türkiyə ilə Azərbaycan arasında ikitərəfli münasibətlər çərçivəsində reallaşıb.

AZƏRTAC xəbər verir ki, bu barədə Rusiyanın xarici işlər naziri Sergey Lavrov Türkiyənin xarici işlər naziri Mövlud Çavuşoğlu ilə bu gün apardıqları danışıqların yekunlarına dair mətbuat konfransında bildirib.

Rusiyalı nazir qeyd edib ki, danışıqlar zamanı Ermənistan ilə Azərbaycan arasında barışığa, münasibətlərin normallaşmasına kömək etmək barədə razılıq əldə olunub: “Həm ermənilərin, həm azərbaycanlıların, həm də digər millətlərdən olan hər bir insanın bu torpaqda mehriban qonşular kimi yanbayan yaşaması üçün şəraitin yaradılmasına yardım etmək lazımdır. Fikrimizcə, bu halda istənilən məsələni, o cümlədən siyasi xarakterli məsələləri həll etmək daha asan olacaq".

Rusiya XİN rəhbərinin sözlərinə görə, əməkdaşlığın istiqamətlərindən biri də bu regionda ticari-iqtisadi, nəqliyyat əlaqələrinin bərpasıdır.

“Rusiya prezidentlər Rəcəb Tayyib Ərdoğanın və İlham Əliyevin 3+3 formatda regionun inkişafına yardım mexanizmi yaratmaq təklifini dəstəkləyir. Üç Zaqafqaziya ölkəsi və üç qonşu - Rusiya, Türkiyə və İran. Bu gün biz bu barədə danışdıq və ilkin dövr üçün yaxşı planlar var”, - deyə S.Lavrov bildirib.

O əlavə edib ki, Rusiya Qarabağ nizamlanması üzrə sıx və səmərəli əməkdaşlıqdan məmnundur.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video