Rusiya Azərbaycan ilə əlaqələrə xüsusi diqqət yetirir
İyulun 6-da Azərbaycanda səfərdə olan Rusiya Federasiyası Dövlət Dumasının MDB və Həmvətənlərlə Əlaqələr üzrə Komitəsinin sədri Leonid Slutskinin rəhbərlik etdiyi nümayəndə heyəti ilə Milli Məclis sədrinin birinci müavini Ziyafət Əsgərov və parlamentin beynəlxalq münasibətlər və parlamentlərarası əlaqələr komitəsinin üzvləri arasında görüş keçirilmişdir.
AzərTAc xəbər verir ki, Azərbaycanın Rusiya ilə əlaqələrə böyük önəm verdiyini qeyd edən Z.Əsgərov iki ölkə arasında münasibətlərin inkişafından məmnunluğunu bildirmişdir. Diqqətə çatdırılmışdır ki, ulu öndər Heydər Əliyevin bu əlaqələrin qurulmasında böyük xidmətləri olmuşdur.
İkitərəfli münasibətlərin daha da inkişaf etdirilməsində parlamentlərin rolundan danışan Z.Əsgərov vurğulamışdır ki, hər iki ölkənin qanunverici orqanında yaradılan işçi qrupları bu əlaqələrin genişlənməsinə böyük töhfə verir.
Ermənistan-Azərbaycan, Dağlıq Qarabağ münaqişəsinin bütünlükdə regionun inkişafına maneə olduğunu diqqətə çatdıran Z.Əsgərov Rusiyanın bu problemin həlli istiqamətində səylərini davam etdirəcəyinə əminliyini vurğulamışdır. Milli Məclis sədrinin birinci müavini ATƏT-in Minsk qrupunun fəaliyyətinin nəticəsizliyi fonunda Rusiyanın vasitəçilik səylərini yüksək qiymətləndirmişdir.
Milli Məclisin Beynəlxalq münasibətlər və parlamentlərarası əlaqələr komitəsinin sədri Səməd Seyidov görüşün təcrübə mübadiləsi və yeni istiqamətlərin müəyyən edilməsi baxımından əhəmiyyətini vurğulamışdır. Qeyd etmişdir ki, müzakirə olunan məsələlər hər iki tərəf üçün maraq kəsb edir. Belə görüşlər ikitərəfli münasibətlərin inkişafına da töhfə verəcəkdir.
Rusiyanın Azərbaycan ilə əlaqələrə xüsusi diqqət yetirdiyini vurğulayan L.Slutskin ölkəmizə səfər etməkdən məmnun olduğunu bildirmişdir. Parlamentlərarası əlaqələrin inkişaf etdirilməsinin əhəmiyyətini qeyd edən qonaq belə görüşlərin ənənə halını alacağına əminliyini diqqətə çatdırmışdır.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Husilər tərəfindən iki ticarət gəmisi və bir Amerika esminesi hücuma məruz qalıb
25 Aprel
Bakıda Rusiya Kinosu Günlərinin təntənəli açılış mərasimi olub
24 Aprel
Türkiyə XİN 1915-ci il hadisələri ilə bağlı bəyanat yayıb
24 Aprel
COP29 Sədrliyi ölkə pavilyonlarının təşkili üzrə müraciətlərin qəbuluna başlayıb ...
24 Aprel
Azərbaycan Prezidentinin xüsusi tapşırıqlar üzrə nümayəndəsi BBC radiosuna müsahibə verib...
24 Aprel
Üzgüçülük üzrə açıq Azərbaycan çempionatı start götürüb
24 Aprel
XİN: Azərbaycan BMT-nin insan hüquqları sahəsində müvafiq müqavilə qurumları ilə əməkdaşlığa böyük ö...
24 Aprel
Qırğız Mədəniyyəti Günləri çərçivəsində Heydər Əliyev Mərkəzində sərgi açılıb
24 Aprel
Azərbaycan Kuboku: “Qarabağ” “Neftçi”ni cavab oyununda da məğlub edərək finala yüksəlib...
24 Aprel
Bakıda Qırğız Mədəniyyəti Günlərinin açılış mərasimi olub
24 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!