03 Fevral 2012 02:02
564
Milli Məclis
A- A+

Rəsmi Bakı AŞ PA-nın bəzən ikili standartlar nümayiş etdirməsindən narazıdır

 

Fevralın 2-də Milli Məclisin Sədri Oqtay Əsədov ölkəmizdə səfərdə olan Avropa Şurası Parlament Assambleyasının (AŞ PA) Monitorinq Komitəsinin Azərbaycan üzrə həmməruzəçiləri Pedro Aqramunt de Mora və Jozef Debono Qrexlə görüşüb. Azərbaycanın Avropa Şurası ilə əməkdaşlıq etməkdə maraqlı olduğunu söyləyən Oqtay Əsədov bildirib ki, əlaqələrin yaxşılaşdırılması istiqamətində mühüm işlər görülür. Azərbaycan AŞ PA qarşısında götürdüyü öhdəlikləri yerinə yetirir. Ancaq Avropa Şurası Parlament Assambleyasında yenidən Azərbaycanla bağlı "siyasi məhbus" məsələsi gündəmə gətirilib. Buna görə də Azərbaycan bu məsələyə öz narazılığını ifadə edib. AŞ PA-nın qış sessiyasında Azərbaycan nümayəndə heyəti də bu məsələyə etirazını bildirib.

Milli Məclisin Sədri vurğulayıb ki, AŞ PA-nın bir dövlət üçün ayrıca məruzəçi təyin etməsi ayrı-seçkilikdən irəli gəlir və bu, Azərbaycana qarşı ikili standartlarla yanaşılması kimi qəbul olunur. Məruzəçi Kristof Ştresserin bu vəzifəyə təyin olunduğu gündən Azərbaycana qarşı qərəzli mövqe tutduğunu bildirən Milli Məclisin  Sədri qonaqların diqqətinə çatdırıb ki, artıq məruzənin adının dəyişdirilməsinə baxmayaraq, Ştresser hələ də Azərbaycanda "siyasi məhbus" axtarır. "Bu şəxs Almaniya Bundestaqında təmsil olunan deputatlardan Azərbaycan əleyhinə imza toplamaqla məşğul olub. Ancaq özü həmin sənədə imza atmayıb. Səbəb kimi isə Azərbaycan üzrə məruzəçi olduğunu göstərib" - deyən Oqtay Əsədov bildirib ki, Avropanın digər ölkələri Ukrayna, Belarus üzrə də AŞ PA-nın məruzəçiləri var. Ancaq onlar ölkə ilə bağlı ümumi məlumatları toplayıb hesabat verirlər.

Görüş zamanı AŞ PA-nın həmməruzəçisi Pedro Aqramunt de Mora Azərbaycanda həyata keçirilən demokratik, hüquqi islahatları yüksək qiymətləndirib. Qonaq ölkəmizin AŞ PA-dakı nümayəndə heyətinin sessiyalarda yüksək səviyyədə təmsil olunduğunu söyləyərək qeyd edib ki, Azərbaycanda olduqları müddətdə bir sıra görüşlər keçirib və lazımi məlumatlar toplayıb.

Görüşdə qarşılıqlı maraq doğuran məsələlər ətrafında geniş fikir mübadiləsi aparılıb.

 

"Azərbaycan"

Foto F.BAĞIROVUNDUR

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video