11 Aprel 2021 15:00
757
DÜNYA
A- A+

Rəcəb Tayyib Ərdoğan: Qara dəniz sülh, əmin-amanlıq və əməkdaşlıq dənizi olmalıdır

 

Görüşlər zamanı strateji əməkdaşlığımızın üzərində durduq və bütün əlaqələrimizi ətraflı müzakirə etdik. Qara dəniz sülh, əmin-amanlıq və əməkdaşlıq dənizi olmalıdır. Mövcud böhran diplomatik üsullarla sülh yolu ilə həll olunmalıdır. Narahatlıq doğuran bu vəziyyətin bir an əvvəl başa çatmasını və atəşkəsin davam etməsini diləyirik.

AZƏRTAC xəbər verir ki, bu fikirləri Türkiyə Prezidenti Rəcəb Tayyib Ərdoğan ölkəsində işgüzar səfərdə olan Ukrayna Prezidenti Vladimir Zelenski ilə ortaq media açıqlamasında bildirib.

Ən qısa müddətdə Azad Ticarət Sazişinin imzalanaraq iki ölkə arasında ticarət həcminin hədəflənən 10 milyard dollara çatdırılacağına ümidvar olduğunu vurğulayan Prezident Ərdoğan deyib: “Bu gün əziz dostumla iqtisadi və humanitar əlaqələrimizin ən vacib məqamı olan turizmi müzakirə etdik. Türkiyə və Ukrayna vətəndaşları bir-birlərinin ölkələrinə qarşılıqlı pasportsuz, yalnız şəxsiyyət vəsiqələri ilə səfər edə bilirlər. Bildiyiniz kimi, ölkəmizdə təhlükəsiz turizm sertifikatı ilə qonaqlarımızı riskə atmadan qəbul edəcək bir sistem qurmuşuq”.

İki ölkə arasındakı dialoqun sözdə deyil, reallıqda da keçərli olduğunu vurğulayan Ukrayna Prezidenti deyib: “Bir çox məsələlərə Kiyevlə Ankaranın baxışı eynidir. Ölkələrimiz arasında ticarət həcminin artırılması və Azad Ticarət Sazişinin imzalanması olduqca vacibdir. Təyyarə istehsalı sahəsindəki əməkdaşlığımızı da müzakirə etdik. Müdafiə sənayesi strateji tərəfdaşlığımızın təkanverici qüvvəsidir”.

Qeyd edək ki, Ukrayna Prezidenti Vladimir Zelenski ilə Türkiyə Prezidenti Rəcəb Tayyib Ərdoğanın üç saat davam edən təkbətək görüşündən sonra prezidentlər Türkiyə-Ukrayna Yüksəksəviyyəli Strateji Əməkdaşlıq Şurasının 9-cu iclasına qatılıblar. İki ölkə heyətləri arasında görüş keçirilib və ikitərəfli əməkdaşlığa dair bir sıra sənəd imzalanıb.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video