Qusarın Cibir kəndi Vətən müharibəsində dörd şəhid verib
Qusar rayonunun Cibir kəndində Vətən müharibəsi şəhidləri Malik Xeyirbəyov, Murad Kəlbiyev, Çoban Nurmətov və Rafik Bəyverdiyevin xatirəsi anılıb.
AZƏRTAC-ın bölgə müxbiri xəbər verir ki, anım tədbirində Qusar Rayon İcra Hakimiyyətinin başçısı Şair Alxasov, yerli hüquq-mühafizə orqanlarının rəhbər şəxsləri, şəhidlərin ailə üzvləri və kənd sakinləri iştirak ediblər.
Mərasimdə şəhidlərin məzarları üstünə gül dəstələri düzülüb, xatirələri ehtiramla anılaraq ruhlarına dualar oxunub.
Qəhrəman kəndin şəhid övladlarından biri 18 yaşlı Malik Xeyirbəyovdur. Qorxmaz kəşfiyyatçı Cəbrayıl, Hadrut və Füzulinin azad olunması əməliyyatlarında fəal iştirak edib. Oktyabrın 26-da Füzuli şəhəri istiqamətində şəhidlik zirvəsinə ucalıb. Qəhrəman döyüşçü ölümündən sonra üç medalla təltif edilib.
Şəhid Murad Kəlbiyev 1996-cı ildə anadan olub. Müddətdən artıq həqiqi hərbi xidmət qulluqçusu olan Murad Cəbrayıl və Füzulinin azad olunması əməliyyatlarında fəal iştirak edib. Oktyabrın 6-da Füzuli istiqamətində şəhidlik zirvəsinə ucalıb. Ölümündən sonra “Füzulinin azad olunmasına görə” və “Vətən uğrunda” medalları ilə təltif olunub.
Xüsusi təyinatlı qüvvələrin baş giziri olan Çoban Nurmətov Vətən müharibəsi zamanı Füzulinin, Cəbrayılın, Zəngilanın, Qubadlının və Xocavəndin azadlığı uğrunda gedən döyüşlərdə savaşıb. Çoban Nurmətov oktyabrın 23-də Xocavənddə şəhid olub. Ailəli idi. İlahə və Fatimə adında qızları, İmam adında isə oğlu yadigar qalıb. Ölümündən sonra 5 medalla təltif olunub.
Rafiq Bəyverdiyev 1998-ci il iyunun 1-də anadan olub. Vətən müharibəsi başlananda Rafiq Bəyverdiyev könüllü cəbhəyə yollanıb. Oktyabrın 20-də şəhid olan Rafiqin nəşi düşmən tərəfində qalıb. Noyabrın 17-də nəşi qarşı tərəfdən götürüldükdən sonra dəfn olunub. Rafiq Bəyverdiyev ölümündən sonra "Vətən uğrunda" medalı ilə təltif edilib.
Cibir kəndi Vətən müharibəsində dörd, Birinci Qarabağ savaşında isə iki oğlunu şəhid verib.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Keçmiş məcburi köçkünlərin müraciətləri dinlənilib
25 Aprel
Türkiyənin “ASELSAN” şirkəti ixrac həcmini 1 milyard dollara çatdırmağı planlaşdırır ...
25 Aprel
Qırğızıstan Prezidenti Sadır Japarovun Azərbaycana dövlət səfəri başa çatıb
25 Aprel
Milli Məclisin sədri Türk Dövlətləri Parlamentlərinin Xarici Əlaqələr Komitələri sədrlərinin iclasın...
25 Aprel
Türkiyənin Kahramanmaraş Sütcü İmam Universiteti ilə Azərbaycan Tibb Universiteti arasında birgə elm...
25 Aprel
Fransızların çoxu Makronun Aİ qərarlarına real təsir göstərdiyinə inanmır
25 Aprel
Dəyişən iqlim şəraitində əməyin mühafizəsi ilə bağlı maarifləndirmə tədbirləri təşkil olunub ...
25 Aprel
Rusiya XIN: Moskva Azərbaycanla Ermənistan arasında dövlət sərhədinin delimitasiyasına gələcəkdə də ...
25 Aprel
Azərbaycan və Qırğızıstan prezidentləri Ağdam şəhərində olublar YENİLƏNİB
25 Aprel
Azərbaycanın Milli Qəhrəmanı Albert Aqarunovun Şəhidlər xiyabanında xatirəsi anılıb
25 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!