12 Sentyabr 2021 00:26
1630
Oxucu məktubları
A- A+

Quru ağac yaşıllıq yox, təhlükədir

 

Təbiətdə baş verən dəyişikliklər dünyamızı bir çox ciddi çətinliklə üzbəüz qoyub. Qlobal istiləşmə, quraqlıq, meşə yanğınları, sel və digər təbiət hadisələri bizdən ətraf mühitə qayğıkeşliklə yanaşmağı tələb edir. Əks halda bunlardan da betər təbii fəlakətlərlə üzləşə bilərik.

Sumqayıt respublikamızın inkişaf etmiş iri sənaye şəhəridir. Sənaye şəhərininsə ən çox ehtiyacı olduğu yaşıllıqdır. Bu səbəbdən şəhərimizin sakinləri yaşılıqlara həssas yanaşır, hər ağacın, hər kolun qulluğunda dururlar. Sumqayıtda yeni park və xiyabanlar da salınır, köhnələri əsaslı  təmir olunur.

Bununla belə yaşadığımız 8-ci mikrorayonda bu sarıdan problemlərlə də qarşılaşırıq. Məsələn, bizim 9/25 saylı binanın qarşısında bir neçə qurumuş ağac var. Hər dəfə külək əsəndə gözümüz həmin ağaclarda qalır ki, bu dəqiqə yıxılıb kimisə bədbəxt edəcək. Hətta bir dəfə həmin  ağacların (belə demək mümkünsə) budaqları iri yük maşınının üstünə düşdü. Xoşbəxtlikdən bədbəxtçilik olmadı. Amma kim zəmanət verib ki, bəxtimiz həmişə gətirəcək.

Bir neçə dəfə yığışıb bu barədə əlaqədar qurumlara məlumat vermişik. Amma heç bir nəticəsi olmayıb. İndi gümanımız sizədir. Fikirləşirik ki, bəlkə problemimizin rəsmi dövlət qəzetində dərc edilməsi şəhərin bu işə cavabdeh şəxslərində məsuliyyət hissini oyada.

 

Mehparə HACIƏHMƏDOVA,

Sumqayıt

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video