28 Yanvar 2018 12:01
895
Oxucu məktubları
A- A+

Qoca çinarın şahidliyində: BASQAL

 

Tarixçilərin qənaətinə görə,  İsmayıllının Basqal qəsəbəsinin 1600-dən çox yaşı var. Qəsəbə ərazisində və ətrafında qədim  dövrlərə  aid  abidələrə,  mədəniyyət izlərinə rast gəlmək mümkündür.  İsmayıllı tarixi qala kompleksləri  ilə zəngindir. Basqalda da  antik və orta əsrlərə  şamil  edilən qala abidələri çoxdur.  Qədim yaşayış məntəqəsində  çoxəsrlik  məscidlər,  hamam, 500 illik çinar,  sənətkarlıq  ocaqları var.  “Qalabaşı” məhəlləsi ərazisində divarlarının qalınlığı bir neçə metrə çatan qala üzləri bu günədək qalmaqdadır.  Bura gələnlər Basqalın füsunkar təbiətində istirahət edir, tarixi yerləri məmnunluqla gəzib abidələr  haqqında məlumat toplamağa  çalışırlar.

Basqalın insanları da təbiəti, havası  kimi saf, təmizqəlbli, mehriban və qonaqpərvərdirlər.  Təsadüfi deyil ki, bu qədim, eyni zamanda, dilbər guşə  yerli və əcnəbi turistlərin sevimli məkanıdır. Amma təəssüf ki, qəsəbədə müasir xidmət obyektləri  azdır. Basqalın turizm potensialını, eləcə də gələn turistlərin ehtiyac və maraqlarını  nəzərə alaraq burada müasir infrastruktur yaradılarsa, bu  həm yerli əhalinin məşğuliyyətinin yüksəlməsinə, həm də turizmin inkişafına töhfə olardı...

 

Pünhan TAĞIYEV,

Basqal qəsəbə sakini

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video