Qarabağ Dirçəliş Fondu Qarabağdakı quruculuq işlərində gənclərin iştirakının təmin olunması ilə bağlı görüşlərə start verib
Qarabağ Dirçəliş Fondu (QDF) gənclərin Qarabağ həqiqətləri ilə bağlı maarifləndirilməsi, Qarabağda aparılan quruculuq işlərində onların iştirakının daha geniş şəkildə təmin olunması məqsədilə “Qarabağı anlayaraq dirçəldək!” mövzusunda silsilə görüşlərə start verib.
Fondun mətbuat xidmətindən AZƏRTAC-a bildiriblər ki, ilk görüş “BİR Könüllü” Tələbələrin Əməkdaşlığı İctimai Birliyinin üzvləri və Azərbaycan Dövlət İqtisad Universitetinin tələbələri ilə keçirilib.
Qarabağ Dirçəliş Fondunun İdarə Heyətinin sədri Rəhman Hacıyev çıxış edərək onlara Qarabağda erməni işğalının nəticələri barədə məlumat verib. Dağıntıların miqyasının çox böyük olduğunu deyən İdarə Heyətinin sədri əsas məqsədlərindən birinin ermənilərin Qarabağda törətdikləri cinayətlər, dağıntılar barədə mümkün qədər çox insanı məlumatlandırmaq olduğunu diqqətə çatdırıb. Hazırda Qarabağda bərpa işlərinin sürətlə davam etdiyini deyən R.Hacıyev hər kəsi bərpa prosesində fəal iştirak etməyə çağırıb. O deyib: “Bildiyiniz kimi, işğal müddətində ermənilər Qarabağda misli görünməmiş dağıntılar törədiblər. Dağıdılmış evlərin, abidələrin, digər tikililərin bərpası külli miqdarda vəsait, vaxt tələb edir. Yalnız ictimaiyyətin bərpa prosesinə fəal qoşulması ilə Qarabağı daha tez dirçəldə, qayıdış prosesini sürətləndirə bilərik. Bunun üçün isə ianə etmək də böyük fayda verə bilər”.
“Karabakh.Center” layihəsi barədə məlumat verən R.Hacıyev bu resursun Qarabağ Dirçəliş Fondu tərəfindən yaradılmasının təsadüfi olmadığını söyləyib. Qeyd edib ki, Qarabağ Dirçəliş Fondunun Azərbaycan Respublikasının Birinci vitse-prezidenti Mehriban xanım Əliyevanın təşəbbüsü ilə həyata keçirdiyi “Karabakh.Center” layihəsi Ermənistan-Azərbaycan münaqişəsinin səbəblər, Ermənistanın təcavüzünün nəticələri barədə obyektiv məlumatların sistemləşdirilməsi və geniş ictimaiyyətə çatdırılması məqsədilə yaradılıb.
İdarə Heyətinin sədri bildirib ki, təqdim edilən internet resursunun çoxsaylı materialları konkret nümunələr əsasında Azərbaycan xalqının Qarabağda maddi-mədəni irsinə, bu regionun biomüxtəlifliyinə və təbii sərvətlərinə dəyən ziyanın miqyası ilə tanış olmaq imkanı yaradır. Bu isə cəmiyyətimizin, diasporun və dövlətimizin dostlarının səylərinin səfərbər olunmasına təkan verəcək. “Qarabağda dağıdılmış və ciddi ziyan dəymiş obyektlərin 10 mindən çox fotosu və videogörüntüsü bu saytda yer alır. Burada memarlıq abidələrinin işğaldan əvvəl çəkilmiş yüzlərlə fotoşəkli ilə tanış olmaq mümkündür ki, bu da vaxtilə çiçəklənən bu diyarın əvvəlki görkəmi ilə erməni işğalının fəlakətli nəticələri arasındakı təzadı görməyə imkan verir”, - deyə R.Hacıyev diqqətə çatdırıb.
Sonra Fondun hazırladığı “Qarabağda urbisid” – dağıntıların və zərərin miqyası haqqında sənədli film nümayiş olunub.
QDF-in Fandreyzinq və Kommunikasiya şöbəsinin müdiri Aybəniz İsmayılova Qarabağın dirçəlişi uğrunda birlik və həmrəyliyin əhəmiyyəti barədə fikirlərini bölüşüb. Şöbə müdiri Ermənistanın ərazilərimizi işğal etməsi nəticəsində azərbaycanlıların bütün mülkiyyətlərindən və həyat tərzlərindən məhrum olması, məhz bu işğal nəticəsində insanların evini, ocağını tərk etməyə məcbur qalması, 30 ilə yaxın bir müddətdə doğma torpaqlarından ayrı düşməsini qeyd edərkən, bu gün qalib ölkənin nümayəndələri kimi hər şeyi daha gözəl formada bərpa etmək iqtidarında olmağımızdan danışıb. O, keçmişi unutmamaqla yanaşı, gözəl gələcək qurmaq üçün hər bir azərbaycanlını səfərbər olmağa çağırıb.
“Qarabağ Azərbaycandır!” mövzusunda çıxış edən tarixçi, siyasi analitik Fərhad Məmmədov tarixə ekskursiya edib, Qarabağ münaqişəsinin səbəbləri barədə danışıb. İkinci Qarabağ müharibəsinin gedişi zamanı beynəlxalq təşkilatlar tərəfindən ölkəmizə qarşı təzyiqlərin olduğunu deyən F.Məmmədov bu təzyiqlərin xalqımızın birliyini, əzmini qıra bilmədiyini vurğulayıb.
Jurnalist Elşən Rüstəmov “Şəhid şəhərlər” mövzusunda çıxış edərək 30 ilə yaxın davam edən işğal dövründə ermənilərin şəhərlərimizə, kəndlərimizə qarşı həyata keçirdikləri barbarlıq, vandallıq aktları barədə məlumat verib.
QDF-in PR və Kommunikasiya üzrə koordinatoru Pərvin Məmmədova gənclərin Qarabağ həqiqətləri ilə bağlı təlimatlandırılmasının əhəmiyyətindən danışaraq həm ermənilərin ifşa olunması, həm də Qarabağın bərpası prosesinə daha çox insanın cəlb edilməsi baxımından onların rolunun vacibliyini vurğulayıb.
“BİR Könüllü” Tələbələrin Əməkdaşlığı İctimai Birliyinin sədri Elnur Mirzəzadə də bu işdə gənclərin üzərinə böyük məsuliyyət düşdüyünü söyləyib. O, eyni zamanda, gənclərin iştirakı ilə yaxın günlərdə Qarabağla bağlı müxtəlif tədbirlərin və layihələrin həyata keçiriləcəyini diqqətə çatdırıb.
Milli Azərbaycan Tarixi Muzeyinin icraçı direktoru Fərhad Cabbarov “Qarabağ tarixinin təhrifi: keçmiş və bu gün” mövzusunda çıxış edərək gəncləri Qarabağ münaqişəsinin tarixi ilə bağlı məlumatlandırıb. Ermənilərin uzun müddətdir tarixi faktları təhrif edərək öz yalanlarına dünyanı inandırmağa çalışdığını deyən F.Cabbarov artıq ermənilərin tutarlı faktlarla ifşa olunduğunu, onların informasiya savaşında da məğlub edildiklərini deyib.
Çıxışlardan sonra Pərvin Məmmədova və Elnur Mirzəzadənin moderatorluğu ilə sual-cavab sessiyası keçirilib. Gənclər onları maraqlandıran mövzular ətrafında suallar verməklə yanaşı, Qarabağın gələcəyi ilə bağlı fikir və təkliflərini də səsləndiriblər.
Qeyd edək ki, QDF erməni işğalı nəticəsində xalqımızın Qarabağda maddi-mədəni irsinə, bu regionun biomüxtəlifliyinə və təbii sərvətlərinə dəyən zərərə həsr olunmuş “Karabakh.Center” (https://karabakh.center/az) layihəsi çərçivəsində bir neçə alış-veriş mərkəzində fotosərgilərin keçirilməsi, Qarabağda aparılan bərpa işlərinə ianələrin cəlb edilməsinin təşviqi məqsədilə “BİR Könüllü” Tələbələrin Əməkdaşlığı İctimai Birliyinə qrant ayırıb.
Fond, eyni zamanda, yaxın gələcəkdə digər təşkilatların və universitetlərin tələbələrinin Qarabağla bağlı həyata keçirilən layihələrdə iştirakını təmin etməyi nəzərdə tutur.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
XƏBƏRDARLIQ: Hava şəraiti dəyişəcək, külək, yağış, qar, daşqın və sel gözlənilir
29 Mart
Rəcəb Tayyib Ərdoğan may ayında Vaşinqtona səfər edəcək
29 Mart
Energetika naziri Qazaxda vətəndaşlarla görüşüb
29 Mart
Türkiyədə bələdiyyə seçkilərinə hazırlıq başa çatıb
29 Mart
“2026-cı ilə qədər 6000 keçmiş məcburi köçkünün peşə təliminə cəlb olunması nəzərdə tutulub” - AÇIQL...
29 Mart
"Aqroservis" ASC-nin sədr müavini Zaqatalada vətəndaşları qəbul edib, təsərrüfatlarla tanış olub...
29 Mart
Almaniyada kimlər daha çox pensiya alır?
29 Mart
Havada toz müşahidə olunur
29 Mart
Ceyhun Kərəmov: Böyük Qayıdış regionda peşə təhsili sistemi üçün də yeni imkanlar açır - YENİLƏNİB...
29 Mart
İsveçrənin hidrogen qatarı rekord vurub
29 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!