28 Yanvar 2018 12:01
840
Oxucu məktubları
A- A+

Peşəmə uyğun işi əmək yarmarkasında tapdım

 

Respublikamızın dağlıq ərazisində yerləşən Gədəbəy rayonu sakinlərinin əsas məşğuliyyəti əkinçilik və heyvandarlıqdır. Lakin elə sakinlər də var ki, onlar müxtəlif sahələrdə çalışmağa üstünlük verirlər. Qeyd etmək lazımdır ki, belələri heç də həmişə istədikləri işi tapa bilmirlər. Bu zaman onlara yardımçı əmək yarmarkaları olur.

Bizim rayonda ildə bir neçə dəfə əmək yarmarkası təşkil edilir. Belə yarmarkalardan biri bu günlərdə keçirildi. Mən də həmin yarmarkada iştirak etdim. Əmək yarmarkasında rayonun 21 müəssisəsindən 100-ə yaxın iş yeri təklif olunurdu. Onlardan 12-si dövlət, 2-si qeyri-dövlət orqanlarından, 7-si fiziki şəxs tərəfindən idi. İştirakçılar vakant yerlər haqqında lövhəyə vurulmuş siyahıya baxır, işin mahiyyəti və aylıq əməkhaqqı barədə məlumat əldə edirdilər. Seçim edənlər iş təklif edən təşkilatların nümayəndələri ilə oradaca görüşüb göndəriş alırdılar.

Mən uzun illərin təcrübəli elektrik montyoruyam. Peşəmə uyğun iş tapa bilmədiyimdən başqa işlərlə məşğul olub ailəmi dolandırırdım. Nəhayət, bu yarmarkada peşəmə uyğun iş tapdım: “Azərişıq” ASC-nin Gədəbəy şöbəsində elektrik montyoru vəzifəsinə qəbul olundum. Hazırda işimdən çox razıyam.

 

İlqar ALIYEV,

Gədəbəy rayon sakini

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video