27 Noyabr 2021 01:37
205
İQTİSADİYYAT
A- A+

Payızlıq taxıl əkini yekunlaşır

 

Məlumdur ki, kənd təsərrüfatında mövsümi işlər bir-biri ilə əlaqədardır. Pambıq tarlalarında məhsul yığılıb başa çatdıqdan sonra sahələr dərhal şumlanır və yenidən növbəti əkinə hazırlanır. Həmin yerlərdə payızda adətən ya taxıl, ya da yonca əkilir. Qalanı isə yazda əkiləcək bitkilər üçün arat edilib saxlanılır. Beləliklə, növbəli əkin sistemini tətbiq etməklə torpaq saflaşır, daha məhsuldar olur, bitkilər xəstəliklərə tutulmur. 

Hava şəraiti ilə əlaqədar bu il pambığın yetişməsi müəyyən müddət uzandı. O səbəbdən indinin özündə tarlalarda xeyli məhsul var və məhsul yığımı davam edir. Qeyd edək ki, keçən il olduğu kimi, Salyan rayonu pambıq yığımında ölkə üzrə  yenə öndədir. Çiyid səpilmiş 6 min 195 hektardan noyabrın sonuna olan məlumata görə, 21 min tondan çox pambıq toplanmışdır. Hər hektarın məhsuldarlığı isə hələlik 33,7 sentnerdir. Ümumi məhsulun 86 faizi maşınlarla yığılmışdır. Hazırda seçmə yolu ilə pambıq sahələri şumlanaraq yerində əkin aparılır. Gələn ilin məhsulu üçün 17 min 274 hektara taxıl səpilməsi nəzərdə tutulur. Hələlik 10 min 311 hektara taxıl əkilmişdir. Bunun 7 min 798 hektarı arpadır. Qalan 2 min 518 hektarın 2 min 311 hektarına buğda səpilmişdir. Ümumilikdə ötən ilin müvafiq dövrü ilə müqayisədə 1985 hektar çox sahədə əkin aparılmışdır.

Əkin kampaniyasında 60 toxumsəpən aqreqat, 120 traktor, o qədər də mala iştirak edir. Bir çox fermerlər daha yüksək məhsul əldə etmək üçün səpin zamanı toxumla birlikdə torpağa ammofos gübrəsi də verirlər. Mülkiyyətçilər daha yaxşı nəticələrə nail olmaq üçün yüksək reproduksiyalı toxumlar əldə etmişlər. Onlar suvarma suyu ilə əlaqədar yaranan müəyyən çətinlikləri aradan qaldırmaq, suyun hər kubmetrindən daha səmərəli istifadə etmək, itkiyə yol verməmək üçün səylə çalışırlar.

Ziyanvericilərlə mübarizə aparılması, ilkin yazda əkinlərə mineral gübrələrin verilməsi, alaq otlarına qarşı herbisidlərin səpilməsi və digər aqrotexniki tədbirlər indidən planlaşdırılır. Bütün bunlar isə deməyə əsas verir ki, salyanlı fermerlərin, torpaq mülkiyyətçilərinin gələn il də taxılı bol olacaq.

 

Seyran CAVADOV,

“Azərbaycan”

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video