25 Noyabr 2012 12:11
910
Hüquq məsləhəti
A- A+

oxucuların suallarına cavab verir

 

Qardaşım atamın vərəsəsi olmaq hüququndan məhrum edilmişdir. Bu yaxınlarda anam da vəfat edib. Amma o, vəsiyyətnamə yazmayıb. Belə olan halda, qardaşımın anamın mirasından pay almaq hüququ var?

 

Bədayə Quluyeva,

Xaçmaz rayonu

 

- Azərbaycan Respublikası Mülki Məcəlləsinin 1141-ci maddəsinə görə, vərəsəlik hüququndan məhrum edilmə vərəsəlik hüququndan məhrum edilmiş həmin şəxsin başqa miras qoyanın əmlakının vərəsəsi olmasına maneçilik törətmir. Həmin məcəllənin 1159.1.1-ci maddəsinə əsasən, qanun üzrə vərəsəlik zamanı birinci növbədə, ölənin uşaqları, miras qoyanın ölümündən sonra doğulmuş uşaq, arvad (ər), valideynlər (övladlığa götürənlər) bərabər pay hüquqlu vərəsələr sayılırlar.

Buna görə də, qardaşınızın atanızın vərəsəsi olmaq hüququndan məhrum edilməsi onu ananızın miras əmlakından qanun üzrə vərəsə kimi pay almaq hüququndan məhrum etmir.  

 

Azərbaycan Respublikası Konstitusiya Məhkəməsinə şikayətlə müraciət etmək istəyirəm. Bunun üçün vəkilin məcburi iştirakı və dövlət rüsumunun ödənilməsi tələb edilirmi? 

 

Pərviz Həsənzadə,

Sumqayıt şəhəri

 

- "Konstitusiya Məhkəməsi haqqında" Azərbaycan Respublikası Qanununun 34-cü maddəsi şikayətin məzmununa dair tələbləri, 35-ci maddəsi isə şikayətə qoşulan sənədlərin siyahısını müəyyənləşdirir. Adı çəkilən qanunun 50.1-ci maddəsi isə Azərbaycan Respublikası Konstitusiya Məhkəməsində icraatın ödənişsiz olmasını nəzərdə tutur.

Beləliklə, Azərbaycan Respublikası Konstitusiya Məhkəməsinə şikayətlə müraciət etmək üçün dövlət rüsumunun ödənilməsi və vəkilin məcburi iştirakı tələb olunmur.

Məlumat üçün qeyd edək ki, Azərbaycan Respublikası Konstitusiya Məhkəməsi sədrinin 2004-cü il 14 yanvar tarixli 1 nömrəli sərəncamı ilə "Konstitusiya Məhkəməsinə verilən şikayətə dair Tələblər" təsdiq edilmişdir. Sözügedən "Tələblər" məhkəmənin rəsmi internet səhifəsində (www.constcourt.gov.az) yerləşdirilmişdir.

 

Cavablandırdı:

Dünyamin NOVRUZOV,

Bakı Hüquq Mərkəzinin hüquq məsləhətçisi

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video