05 Avqust 2012 12:08
776
Hüquq məsləhəti
A- A+

oxucuların suallarına cavab verir

 

Kənddəki torpaq sahəmin bir hissəsini satmaq istəyirəm. Alqı-satqı müqaviləsi notarius tərərfindən təsdiqlənməlidir, yoxsa kənd icra nümayəndəsinin təsdiqi kifayətdir?

 

Ədalət PAŞAYEV,

Şamaxı rayonu

 

- "Notariat haqqında" Azərbaycan Respublikasının Qanunu ilə notariat kontorları olmayan yaşayış məntəqələrində müvafiq icra hakimiyyəti orqanlarına (yəni, rayon, şəhər, şəhər rayonu icra hakimiyyətinin nümayəndələrinə) müəyyən notariat hərəkətlərinin aparılması səlahiyyəti verilmişdir. Belə ki həmin qanunun 18-ci maddəsinə görə, notariat kontorları olmayan yaşayış məntəqələrində müvafiq icra hakimiyyəti orqanları (yəni, rayon, şəhər, şəhər rayonu icra hakimiyyətinin nümayəndələri) müvafiq icra hakimiyyəti orqanları aşağıdakı notariat hərəkətlərini aparırlar:

1) miras əmlakın mühafizəsi üçün tədbirlərin görülməsi;

2) vəsiyyətnamələrin təsdiqi;

3) əmlakdan istifadə edilməsi və ona sərəncam verilməsi barədə, avtomaşınların müvəqqəti istifadəyə verilməsinə dair etibarnamələr istisna olmaqla etibarnamələrin təsdiqi;

4) sənədlərdən surət və çıxarışların düzgünlüyünün təsdiqi;

5) sənədlərdəki imzanın həqiqiliyinin təsdiq olunması.

Göründüyü kimi, daşınmaz əmlakın alqı-satqısına dair müqavilə notarius tərəfindən təsdiqlənməlidir. Notariat kontorları olmayan yaşayış məntəqələrində müvafiq icra hakimiyyəti orqanlarına (rayon, şəhər, şəhər rayonu icra hakimiyyətinin nümayəndələrinə) belə müqavilələri təsdiq etmək səlahiyyəti verilməmişdir.

Onu da qeyd edək ki, "Notariat haqqında" Azərbaycan Respdublikası Qanununun 46-cı maddəsinə görə yaşayış evinin, mənzilin, bağın, bağ evinin, qarajın, torpaq sahəsinin, digər daşınmaz əmlakın özgəninkiləşdirilməsi və ya girov qoyulması haqqında əqdlər həmin əmlakın olduğu yer üzrə təsdiq olunur.

 

Cavablandırdı:

Dünyamin NOVRUZOV,

Bakı Hüquq Mərkəzinin hüquq məsləhətçisi

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video