Neytrino işıq sürətini üstələyir
Avropa fiziklərinin bu sensasiyalı iddiası elm dünyasında bomba effekti törədib. Ağlasığmaz nəticə İtaliyadakı yeraltı "Gran Sasso" laboratoriyasında alınıb. 1400 metr dərinlikdəki bu elmi-tədqiqat müəssisəsi 732 kilometr aralıdakı CERN - Avropa Birliyinə aid yüksək enerji fizikası laboratoriyasının proton supersinxrotronu (SPS) vasitəsilə yaradılan, hərəkət zamanı myuon-netrinodan tau-neytrinoya çevrilən neytrino topasını "OPERA" detektoru ilə tutur.
Xatırladaq ki, neytrino elementar zərrəciyi yüksüz və son dərəcə kiçik kütləlidir, başqa maddələrlə, demək olar ki, qarşılıqlı əlaqəyə girmir. Günəşdə gedən nüvə reaksiyaları zamanı əlavə "məhsul" kimi əmələ gələn neytrino ətrafımızdakı fəzanı doldurur. Saniyə ərzində insan gözündən milyardlarla neytrino keçir və onun orqanizmə heç bir təsiri yoxdur.
Tədqiqat iki il boyunca aparılıb və nəhayət, belə bir əsrarəngiz nəticə alındığı elan olunub: iddiaya görə, 16 min dəfə eyni hal - neytrinonun detektora hesab zamanından (işıqdan) 60 nanosaniyə tez çatdığı qeydə alınıb.
Mütəxəssislər zərrəciklərin keçdiyi məsafəni 20 santimetr xəta dərəcəsi ilə, zamanı isə 10 nanosaniyə qüsurla ölçmək imkanına malikdirlər. Buna görə də fərqin 60 nanosaniyə çıxması mövcud fizika anlayışlarını alt-üst edir - bu, yalnız işıq sürətinin üstələnməsi nəticəsində baş verə bilər ki, bununla da asanlıqla razılaşmaq mümkün deyil. Alınan nəticələrə əvvəlcə inanmayan alimlər eksperiment zamanı buraxıla biləcək səhvləri birər-birər yoxlayıblar. Heç bir nöqsan ortaya çıxarılmayıb.
Müasir fizikanın qəti qənaətinə və bizə öyrədilənlərə əsasən, işığın vakuumdakı sürəti (saniyədə 299 792 458 metr) kainatda mümkün ən maksimal sürətdir. Bunun əksinin isbatı, yəni işıq sürətinin aşılmasının mümkünlüyünün sübuta yetirilməsi nəinki mövcud təsəvvürləri alt-üst edəcək, həmçinin fundamental elmi əsasların, qanunauyğunluqların, baxışların dəyişməsinə gətirib çıxardacaq.
Qeyd edək ki, bu elmi iddianın təsdiqini tapması üçün eyni nəticələr dünyanın başqa laboratoriyalarında, başqa elm nümayəndələri tərəfindən alınmalı, təkrarlanmalıdır. Bu isə başqa tədqiqatlardan fərqli olaraq, heç də asan məsələ deyil. Belə ki, analoji eksperimenti keçirmək imkanı son dərəcə məhduddur.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Xərçəngin müalicəsində yeni metod tapılıb
25 Aprel
“Bayden yəhudilərə nifrət edir” - Trampdan açıqlama
25 Aprel
23 İŞİD üzvü saxlanıldı - Türkiyədə
25 Aprel
Təbrizdə Ermənistanın Baş konsulluğu açılacaq - QƏRAR
25 Aprel
Ukrayna ərazilərini buna görə itirib - Ağ Evdən AÇIQLAMA
25 Aprel
Hiss edirəm ki, qızıl medalla qayıdacam - Murad Fətiyev
25 Aprel
Keçmiş məcburi köçkünlərin müraciətləri dinlənilib
25 Aprel
Türkiyənin “ASELSAN” şirkəti ixrac həcmini 1 milyard dollara çatdırmağı planlaşdırır ...
25 Aprel
Qırğızıstan Prezidenti Sadır Japarovun Azərbaycana dövlət səfəri başa çatıb
25 Aprel
Milli Məclisin sədri Türk Dövlətləri Parlamentlərinin Xarici Əlaqələr Komitələri sədrlərinin iclasın...
25 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!