17 May 2013 12:05
574
Milli Məclis
A- A+

Naxçıvan Muxtar Respublikası Ali Məclisində görüş

 

Mayın 15-də Naxçıvan Muxtar Respublikası Ali Məclisinin Sədri Vasif Talıbov Birləşmiş Millətlər Təşkilatının Azərbaycan Respublikasındakı rezident-əlaqələndiricisi Antonius Bruk və onu müşayiət edən nümayəndə heyəti ilə görüşüb.

Qonaqları səmimi salamlayan Ali Məclisin Sədri Birləşmiş Millətlər Təşkilatının Azərbaycandakı nümayəndəliyinin 1993-cü ildən fəaliyyət göstərdiyini xatırladıb və bildirib ki, ötən müddətdə bu qurumun ölkəmizlə, eləcə də Naxçıvan Muxtar Respublikası ilə müxtəlif sahələr üzrə qurulan əlaqələri uğurla inkişaf edir. Qeyd olunub ki, muxtar respublikada Birləşmiş Millətlər Təşkilatının Azərbaycan Kənd İnvestisiya Layihəsi üzrə 130-dan artıq layihə icra olunub.

Görüşdə həyata keçirilən birgə layihələrin əməkdaşlığın gələcək perspektivləri baxımından əhəmiyyətli olduğu qeyd edilib, qarşılıqlı əlaqələrin bundan sonra da davam etdiriləcəyi bildirilib.

Birləşmiş Millətlər Təşkilatının Azərbaycan Respublikasındakı rezident-əlaqələndiricisi Antonius Bruk  muxtar respublikaya ilk dəfə səfər etdiyini deyib, göstərilən səmimi münasibətə görə minnətdarlıq edib. Antonius Bruk təmsil etdiyi təşkilatla Azərbaycan, eləcə də onun Naxçıvan Muxtar Respublikası arasındakı mövcud əməkdaşlığın məmnunluq doğurduğunu vurğulayaraq fəaliyyəti dövründə bu əlaqələrin daha da inkişafı üçün səyini artıracağını qeyd edib.

Görüşdə əməkdaşlığın gələcək perspektivləri barədə fikir mübadiləsi aparılıb.

 

Elxan MƏMMƏDOV,

"Azərbaycan"

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video