Naftalanın əvvəlki şöhrəti qayıdır
Möcüzəli neft şəfa verir
Təbib qüdrətli Naftalanda şərait yaxşılaşdıqca müalicəyə gələnlərin sayı get-gedə artır. Təkcə cari ilin yeddi ayı ərzində bura ölkənin müxtəlif guşələrindən dörd mindən çox adam gəlmişdir. Bu da ötən ildəkindən xeyli çoxdur.
O da bəllidir ki, "Azərbaycan Respublikasında kurortların 2009-2018-ci illərdə inkişafı üzrə Dövlət Proqramı" çərçivəsində yeni-yeni müalicə-sağlamlıq mərkəzləri yaranır. "Möcüzəli Naftalan", "Şəfa vannaları", "Sehirli Naftalan", "Müalicə və sağlamlıq ocağı" və digərləri hər yanda tanınır. İndi "Qarabağ" sanatoriyasının bərpası üçün də hazırlıq işləri görülür.
Naftalanda olarkən Sumqayıtdan, Lənkərandan, Qubadan, Zaqataladan gələnlərlə söhbət etdik. Hamı buradakı şəraitdən, xidmətin keyfiyyətindən, neftin müalicəvi qüdrətindən razılıqla danışır.
Ona görə də Naftalan kurortunun miqyası genişlənir. Bu ilin yaz aylarında ölkə rəhbəri İlham Əliyevin iştirakı ilə burada daha iki kompleksin - "Çinar" və "Qaşaltı" sanatoriyalarının açılışı oldu. Dövlət başçısı ulu öndərin adını daşıyan parkı gəzdi, Heydər Əliyev muzeyi ilə tanış oldu, istirahət və sağlamlıq mərkəzlərinə getdi. Gözəl iqlimi və əlverişli təbii şəraiti olan Naftalanın dünyada neft ilə müalicə aparılan yeganə kurort olduğunu vurğulayaraq dedi ki, Naftalan həm coğrafi baxımdan strateji nöqtədir, həm də iqtisadi baxımdan çox mühüm bir şəhərdirE Burada nəinki müalicə almaq olar, həm də sadəcə, gözəl vaxt da keçirmək mümkündür.
Naftalanın inkişafının vacibliyini xüsusi qeyd edən cənab İlham Əliyev ictimaiyyətin nümayəndələri ilə görüş zamanı dedi ki, mən Bakıya qayıdandan sonra şəhərin inkişafına dair lazımi qərarları verəcəyəm və siz onların nəticələrini görəcəksiniz.
Şəhərin sosial-iqtisadi inkişafının sürətləndirilməsi üçün Prezidentin Ehtiyat Fondundan bir milyon manat vəsait ayrıldı. Müalicə-sağlamlıq mərkəzinin inkişafı planı təsdiq olundu. Ərazinin genişləndirilməsi üçün əsaslı tədbirlər görüldü. Təbii qaz, elektrik enerjisi və su təchizatı sistemləri yenidən quruldu. Goranboy qazpaylayıcı stansiyasından Naftalana 14,5 kilometr uzunluğunda xətt çəkildi. Şəhər daxilində istismara yaramayan metal borular plastik borularla əvəz edildi. Hazırda su və kanalizasiya sistemlərinin başdan-başa yenidən qurulması, habelə təmizləyici qurğunun yaradılması üçün tədbirlər görülür.
Uzun illər nəzər-diqqətdən kənarda qalan Naftalanın şəhər təsərrüfatı, mühəndis qurğuları yararsız vəziyyətə düşmüş, yollar, küçələr dağılmış, binaların görkəmi dəyişmişdi. Dövlət başçısı tapşırdı ki, şəhərdəki bütün binalar təmir olunmalı, parklar, yeni xiyabanlar salınmalı və Naftalan nəinki Azərbaycanda, dünyada tanınan kurort şəhərinə çevrilməlidir.
Son vaxtlarda bu sahədə çox işlər görülüb. Küçələr, yollar, səkilər başdan-başa təmir edilib. Parklar, xiyabanlar salınıb. Çoxlu yaşıllıq zolaqları yaradılıb, ağac və gül kolları əkilib. Ən səfalı guşələrdən birində bayraq meydanı düzəldilib.
Şəhərdə su problemi uğurla həll olunur. Hazırda Çəkil və Hacallı kəhrizləri bərpa olunur. Şəhər icra hakimiyyətinin başçısı Natiq Aslanov deyir ki, istilik məsələsi bu yerlərin ən müşkül məsələsi sayılırdı. İllər boyu baxımsızlıq üzündən istər fərdi evlərdə, istərsə də ictimai binalarda istilik sistemi tamamilə sıradan çıxmışdı. Bu işin nizama salınması üçün qısa müddət ərzində birinci və ikinci mikrorayonlarda qazanxanalar tikildi. Birinci mikrorayonda 20 ədəd çoxmərtəbəli yaşayış binasının istilik sistemi bərpa olundu. İndi qışa hazırlıqla əlaqədar ikinci mikrorayonda qızğın iş gedir. On iki yaşayış binasının istilik sistemi yenidən qurulur. İllər boyu təmir üzü görmədiyi üçün yaşayış binaları yararsız vəziyyətə düşmüşdü. Hər yanda tanınan kurort şəhərində buna yol vermək olmazdı. Ona görə də biz bu sahədə sistemli surətdə tədbirlər görməyə başladıq. Son bir il ərzində çoxmərtəbəli on bir yaşayış binasının fasadları milli memarlıq ənənələrinə uyğun formada aqlay daşla üzləndi, eyvanları əsaslı təmir olundu, dam örtükləri təzələndi, bütün mənzillərdə plastik pəncərələr quraşdırıldı. Kurort şəhərinin abadlığı həm də şəhərin təmizliyi, səliqə-sahmanı, yaşıllığı ilə əlaqədardır. Şıxəli Qurbanov, Dədə Qorqud, Nəsimi küçələri, Şirvan prospekti yenidən quruldu. Yollar boyu milli üslubda istinad divarları tikildi, müasir formalı işıqlandırma sistemi yaradıldı, bağlarda, parklarda istirahət guşələrində oturacaqlar qoyuldu.
Naftalanın dünya miqyaslı kurorta çevrilməsi üçün hər cür imkan var. Möcüzələr məskəni Naftalan dirçəlir, tədricən əvvəlki şöhrətini qaytarır. Regionların sosial-iqtisadi inkişafı dövlət proqramlarının tələbi, Prezident İlham Əliyevin tövsiyə və tapşırıqları yerinə yetirildikcə vaxtilə adı dillərdə gəzən bu kurort şəhəri əvvəlki şöhrətini qaytara biləcəkdir. Bu əminlik dövlət başçısının ümumən ölkənin inkişafına, eləcə də əhalinin cansağlığına göstərdiyi tükənməz qayğı və diqqətdən yaranır. Prezident İlham Əliyev "Çinar" və "Qaşaltı" sanatoriyalarının açılışı zamanı demişdir ki, bugünkü gün Naftalanın yeni tarixinin başlanğıcıdır. Əminəm ki, bir neçə ildən sonra biz istədiyimizə nail olacağıq və Naftalan dünyanın ən gözəl yerlərindən birinə çevriləcəkdir.
Bu müdrik sözlərin reallığını naftalanlılar elə indidən çox aydın şəkildə hiss edirlər.
Əhməd İSAYEV,
"Azərbaycan"
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Bill Qeyts: Süni intellekt gələcəkdə asan tapşırıqları da yerinə yetirə bilməyəcək
29 Mart
İqlim dəyişikliyi saatların bir saniyə itirməsinə səbəb ola bilər
29 Mart
Azərbaycanın su qıtlığı probleminin həllində əldə edilən irəliləyişlər müzakirə edilib...
29 Mart
ABŞ husilərə aid daha dörd PUA-nın vurulduğunu bildirib
29 Mart
Türkiyədə FETÖ ilə əlaqədə şübhəli bilinən daha 70 nəfər saxlanılıb
29 Mart
Milli Məclis 21 məsələnin müzakirəsinə başlayıb
29 Mart
Ötən il Azərbaycan iqtisadiyyatına olan birbaşa xarici investisiyaların həcmi açıqlanıb
29 Mart
“Anev-2024 Türk dünyasının mədəniyyət paytaxtı” ilinin açılış mərasimi keçirilib
29 Mart
Ombudsman 31 Mart – Azərbaycanlıların Soyqırımı Günü ilə əlaqədar bəyanat yayıb
29 Mart
Xankəndidə silah-sursat aşkarlanıb
29 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!