20:44 23 Iyul 2021
ONLINE XƏBƏR LENTİ
Suqovuşanın təbiət mənzərələri FOTO
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Myanmanın rəhbəri Rusiyada səfərdədir
ANA SƏHİFƏ / DÜNYA
15:00 21.06.2021

 

Myanma İttifaqı Respublikasının Dövlət İdarə Şurasının sədri general Min Aung Hlaingin Rusiyaya səfəri başlayıb.

AZƏRTAC yerli mediaya istinadla xəbər verir ki, Min Aunq Hlayn iyunun 22-24-də Moskvada keçiriləcək beynəlxalq təhlükəsizlik konfransında iştirak edəcək.

Bildirilir ki, fevralın 1-də hərbçilərin çevrilişi nəticəsində hakimiyyəti əlinə alan general Min Aung Hlaingin səfəri Rusiya müdafiə nazirinin dəvəti əsasında həyata keçirilir. Bu, generalın çevrilişdən sonra ikinci xarici səfəridir. O, aprel ayında ASEAN üzvü olan ölkələrin rəhbərlərinin Cakartada keçirilən Zirvə görüşündə iştirak edib.

Qeyd edək ki, fevralın 1-də Myanmada baş verən hərbi çevriliş nəticəsində hakimiyyət silahlı qüvvələrin komandanı Min Aung Hlaingin əlinə keçib. Myanma Prezidenti Vin Min, dövlət müşaviri Aun San Su Kyi, həmçinin digər yüksək vəzifəli məmurlar 2020-ci il noyabrında keçirilmiş seçkiləri saxtalaşdırmaq ittihamı ilə həbs edilib, habelə ölkədə bir il müddətinə fövqəladə vəziyyət elan olunub. Ölkə əhalisi fevralın əvvəlindən başlayaraq hərbi çevriliş əleyhinə aksiyalar keçirir, təhlükəsizlik qüvvələri isə etirazların qarşısını almağa çalışır. Etirazçılarla təhlükəsizlik qüvvələri arasında baş verən qarşıdurmalar nəticəsində yüzlərlə insan həlak olub.

Bir neçə gün əvvəl isə BMT Baş Assambleyası Myanmada hakimiyyəti ələ keçirən hərbi rejimə silah satışının məhdudlaşdırılması çağırışının yer aldığı qətnamə qəbul edib. Quruma üzv olan 119 ölkə qətnamənin lehinə, Belarus isə əleyhinə səs verib. Rusiya, Çin və İran da daxil olmaqla, 26 ölkə bitərəf qalıb.



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM