«Müstəqil Azərbaycan» sənədli filminin təqdimatı olmuşdur
Dekabrın 15-də Türkiyənin ölkəmizdəki səfirliyində Azərbaycanın dövlət müstəqilliyinin bərpasının 20-ci ildönümünə və Türkiyə-Azərbaycan əlaqələrinə həsr edilmiş "Müstəqil Azərbaycan" sənədli filminin təqdimatı keçirilmişdir.
Mərasimdə Türkiyənin ölkəmizdəki səfiri Hulusi Kılıç qardaş ölkələrimiz arasında əlaqələrin bütün sahələrdə sürətlə inkişaf etdiyini, ötən 20 ildə Azərbaycanın böyük inkişaf yolu keçdiyini diqqətə çatdırmış, xalqlarımızın dostluğundan bəhs etmişdir. Bildirmişdir ki, TRT-nin Bakı nümayəndəliyi tərəfindən ekranlaşdırılmış bu film yüksək səviyyədə hazırlanmışdır.
Səfir demişdir ki, ötən 20 ildə Azərbaycan böyük inkişaf yolu keçmişdir. Azərbaycanın BMT Təhlükəsizlik Şurasının qeyri-daimi üzvü seçilməsi böyük uğurdur. Hazırda Azərbaycan bölgədə güclü bir dövlətdir və zaman ötdükcə güclənməkdədir. Azərbaycan bölgədə parıldayan bir ulduzdur. Türkiyə hər zaman Azərbaycanın yanında olmuş və bütün sahələrdə təcrübəsini bölüşmüşdür. Azərbaycanın zəngin enerji ehtiyatlarının Türkiyə ərazisindən dünyaya ixrac edilməsi əlaqələrimizin inkişafına böyük töhfə vermişdir. Əgər 2010-cu ildə Azərbaycan ilə Türkiyə arasında ticarət dövriyyəsi 2,5 milyard dollar idisə, bu il 3 milyard dollar olmuşdur. Bu rəqəm daha da artacaqdır.
Böyük öndər Atatürkün 1921-ci ildə dediyi: "Azəri türklərinin dərdi bizim dərdimiz, sevinci bizim sevincimizdir" - kəlamını xatırladan diplomat vurğulamışdır ki, bu fikirlər Türkiyənin Azərbaycana yaxınlaşması, onun kədərinə, sevincinə şərik olmaqla bərabər, həm də ölkələrimiz arasında hərtərəfli əməkdaşlıq və qardaşlıq əlaqələrinin inkişafı, möhkəmləndirilməsi üçün bir çağırış idi.
Sonra çıxış edən Yeni Azərbaycan Partiyası sədrinin müavini-icra katibi, Milli Məclisin deputatı Əli Əhmədov ötən 20 ildə Azərbaycanın keçdiyi böyük inkişaf yolundan, ölkələrimizin dostluq və qardaşlıq əlaqələrindən danışmışdır. Diqqətə çatdırmışdır ki, Azərbaycanın dövlət müstəqilliyinin bərpasından sonra iki ölkə arasında qardaşlıq əlaqələri uğurla inkişaf etmişdir. Ümummilli lider Heydər Əliyevin: "Bir millət, iki dövlət" kəlamı artıq bütün dünyaya yayılmışdır. Azərbaycan həmişə Türkiyənin dəstəyini hiss etmişdir. Eyni zamanda, Azərbaycan həmişə Türkiyənin yanında olmuşdur.
Mərasimdə Milli Məclisin deputatları Nizami Cəfərov, Məlahət İbrahimqızı, Qənirə Paşayeva, Jalə Əliyeva çıxış edərək son 20 ildə ölkəmizin keçdiyi inkişaf yolundan, Azərbaycan-Türkiyə dostluq və qardaşlıq əlaqələrindən danışmış, filmi yüksək qiymətləndirmişlər.
Otuz dəqiqəlik sənədli filmin rejissoru Nailə Əkbərovadır. Filmdə dövlət müstəqilliyinin bərpasından ötən 20 ildə Azərbaycanın əldə etdiyi uğurlardan geniş bəhs olunur. Yeni ekran əsərində, həmçinin Azərbaycan-Türkiyə dostluq və qardaşlıq əlaqələrinin inkişafı ilə bağlı ictimai-siyasi xadimlərin fikirləri yer almışdır. Bundan əlavə, filmdə Azərbaycanın qədim tarixinə də toxunulmuşdur.
AzərTAc
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
“Opel Astra”nın hibrid variantı təqdim olunub
29 Mart
Harvard Universiteti qədim kitabın cildindən insan dərisini çıxarıb
29 Mart
XƏBƏRDARLIQ: Hava şəraiti dəyişəcək, külək, yağış, qar, daşqın və sel gözlənilir
29 Mart
Rəcəb Tayyib Ərdoğan may ayında Vaşinqtona səfər edəcək
29 Mart
Energetika naziri Qazaxda vətəndaşlarla görüşüb
29 Mart
Türkiyədə bələdiyyə seçkilərinə hazırlıq başa çatıb
29 Mart
“2026-cı ilə qədər 6000 keçmiş məcburi köçkünün peşə təliminə cəlb olunması nəzərdə tutulub” - AÇIQL...
29 Mart
"Aqroservis" ASC-nin sədr müavini Zaqatalada vətəndaşları qəbul edib, təsərrüfatlarla tanış olub...
29 Mart
Almaniyada kimlər daha çox pensiya alır?
29 Mart
Havada toz müşahidə olunur
29 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!