Moskvada QİƏT üzvü olan dövlətlərin kənd təsərrüfatı nazirlərinin birinci görüşü keçirilmişdir
Azərbaycan Respublikasının kənd təsərrüfatı naziri İsmət Abasov Qara dəniz İqtisadi Əməkdaşlıq Təşkilatının (QİƏT) üzvü olan dövlətlərin kənd təsərrüfatı nazirlərinin birinci görüşündə iştirak etmişdir. Rusiya Federasiyasının kənd təsərrüfatı naziri Yelena Skrınnikin sədrliyi ilə keçən görüşdə 330 milyon sakinin yaşadığı, ticarət dövriyyəsinin həcmi 350 milyard dollar olan QİƏT ölkələrində qlobal ərzaq təhlükəsizliyinin təmin edilməsi məsələləri müzakirə olunmuşdur. Görüşdə, həmçinin aqrar sektora investisiyalar cəlb edilməsi, Qara dəniz hövzəsi ölkələri arasında ticarət dövriyyəsini artırmaq üçün müştərək infrastruktur yaradılması və bəzi başqa məsələlər müzakirə edilmişdir.
İsmət Abasov AzərTAc-ın müxbiri ilə söhbətində bu görüşün yekunlarını şərh edərək bildirmişdir ki, QİƏT üzvü olan 12 ölkənin nazirlərini, o cümlədən onu Moskvaya səfərə şəxsən RF kənd təsərrüfatı naziri Yelena Skrınnik dəvət etmişdir. İ.Abasovun sözlərinə görə, nazirlərin görüşündə bir sıra məsələlərə dair geniş fikir mübadiləsi olmuşdur. Əsas məsələ qlobal ərzaq təhlükəsizliyinin təmin edilməsi ilə bağlı məsələdir. İ.Abasov demişdir: "Belə bir görüşün keçirilməsi və aktual məsələlərin müzakirə edilməsi çox mühüm hadisədir. Bu görüş gələcəkdə həmin ölkələrin ərzaq təhlükəsizliyinə təsir edə bilər". Nazir öz çıxışında Prezident İlham Əliyevin dövlət siyasəti və onun kənd təsərrüfatının, aqrar sənaye kompleksinin inkişafı ilə əlaqədar çoxsaylı fərmanları, iqtisadiyyat sahəsində qazanılmış uğurlar barədə məlumat vermişdir. Onun sözlərinə görə, görüş iştirakçıları ölkə iqtisadiyyatının, xüsusən kənd təsərrüfatının inkişafının Azərbaycan modeli haqqında məruzəni böyük maraqla qarşılamışlar.
İsmət Abasov bildirmişdir ki, nazirlərin görüşünün yekunlarına əsasən 12 bənddən ibarət bəyannamə qəbul edilmişdir. Bəyannamənin əsas bəndi ölkələrimizin ərzaq təhlükəsizliyinin təmin edilməsi məsələsi olmuşdur. O demişdir: "Bəyannamədə fitosanitariya, baytarlıq, dənli bitkilərin kultivasiyası, elmi tədqiqat işləri və əməkdaşlığın digər mühüm istiqamətlərinə dair birgə tədbirlər haqqında da bəndlər vardır".
Nazir onu da demişdir ki, gələn il Azərbaycanda BMT Kənd Təsərrüfatı və Ərzaq Təşkilatının (FAO) regional konfransı keçiriləcəkdir. QİƏT üzvü olan dövlətlərin Moskva görüşündə iştirak etmiş nazirlərin çoxu həmin konfransın işində iştirak edəcəkdir. İ.Abasov demişdir: "Bu cür genişmiqyaslı tədbirlər keçirilməsi həm regional, həm də qlobal səviyyədə milli ərzaq təhlükəsizliyinin təmin edilməsinə müsbət təsir göstərir".
İsmət Abasov Rusiyanın kənd təsərrüfatı naziri Yelena Skrınnik, QİƏT katibliyinin baş katibi Leonidas Xrizantopolos, Rumıniyanın kənd təsərrüfatı naziri Valeriu Tabere, Ukraynanın aqrar siyasət və ərzaq nazirinin müavini Aleksandr Sen ilə ikitərəfli görüşlər keçirmişdir.
Asya HACIZADƏ,
AzərTAc-ın xüsusi müxbiri
Moskva
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Erməniəsilli şəxs xarici işlər naziri oldu - Fələstində
29 Mart
Ermənistanda Vladimir Solovyovun verilişlərinin yayımı bloklanıb
29 Mart
"Qarabağ" - "Braqa" oyununun hakimləri bəlli olub
29 Mart
Lavrov: Münasibətləri pozan Paşinyandı
29 Mart
ABŞ-ın Ukraynaya yardımının ümumi məbləği 113 milyard dolları keçib
29 Mart
Sabah ölkə ərazisində hava şəraiti dəyişkən buludlu olacaq
29 Mart
Ən varlı amerikalıların 1 faizinin sərvəti 44,6 trilyon dollara yüksəlib
29 Mart
Moskvada MDB İqtisadi Şurasının 101-ci iclası başlayıb
29 Mart
Ölkəyə idxal olunan bir sıra qida məhsullarında uyğunsuzluqlar aşkarlanıb
29 Mart
Səhiyyə Nazirliyi Laçın şəhərində uşaqların kompleks tibbi müayinəsini aparıb və maarifləndirici aks...
29 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!