20 Mart 2012 01:03
331
Mədəniyyət
A- A+

Moskvada Novruz bayramı qeyd olunmuşdur

 

Moskvada Novruz bayramı təntənəli surətdə qeyd olunmuşdur. "Rossiya" Dövlət Konsert Salonunda ("Lujniki" idman sarayı) Moskva  hökumətinin Regional Əlaqələr və Milli Siyasət Komitəsinin təşkilatçılığı ilə "Novruz-2012" bayramı keçirilmişdir.

Bahar bayramının qeyd olunması mədəniyyətlərarası dialoqun möhkəmlənməsinə, paytaxtda yaşayan müxtəlif xalqların nümayəndələrinin,  diaspor təşkilatlarının daha sıx inteqrasiyasına kömək etmək məqsədi daşımışdır.

Qonaqlar müxtəlif ölkələrin milli mətbəxinin təamlarının dadına baxıb ayrı-ayrı xalqların yaradıcılığı ilə tanış olmuşlar.

Konsert proqramında Rusiya, Azərbaycan, Qırğızıstan, Özbəkistan, Türkmənistan və Tacikistanın peşəkar yaradıcı kollektivləri, incəsənət ustaları  çıxış etmişlər. Paytaxtdakı milli diaspor təşkilatlarının bir çoxunun incəsənət xadimləri Novruz bayramı ilə bağlı nömrələrini hazırlamışlar.

Ölkəmizi bayram konsertində Azərbaycanın xalq artisti Bilal  Əliyev, əməkdar artistlər Gülyaz Məmmədova və Lalə Məmmədova  təmsil etmişlər.

Regional Əlaqələr və Milli Siyasət Komitəsinin rəhbəri Yuri Artyux tədbirdə çıxış edərək Moskva meri Sergey Sobyaninin təbrik məktubunu oxumuşdur.  Azərbaycanın Rusiyadakı səfiri Polad Bülbüloğlu bu ölkədə akkreditə olunmuş diplomatik korpusun adından tədbir iştirakçılarını təbrik etmişdir.

 

Asya HACIZADƏ,

AzərTAc-ın xüsusi müxbiri

 

Moskva

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video