Moskvada böyük musiqiçi Mstislav Rostropoviçin abidəsinin açılışı olmuşdur
Moskvanın mərkəzində, Bryusov döngəsində böyük musiqiçi və ictimai xadim Mstislav Rostropoviçə ucaldılmış abidənin açılışı olmuşdur. Bu hadisə maestronun anadan olmasının 85 illiyinə və vəfatının 5-ci ildönümünə həsr edilmişdir. Rusiyanın regionlarının və xarici ölkələrin iri şəhərlərinin əsas konsert meydançalarında keçiriləcək III Beynəlxalq Mstislav Rostropoviç festivalı da bu əlamətdar tarixlərlə eyni vaxta düşür.
Rusiyanın yeni seçilmiş prezidenti, hazırda RF hökumətinin sədri olan Vladimir Putin abidənin açılış mərasimində iştirak etmişdir. O, mərasimdə çıxış edərək demişdir: "Mən fəxr edirəm ki, Rostropoviç ilə tanış idim. O, XX əsrin görkəmli musiqiçisi idi. Şübhəsiz belə adamlar bizim ölkəmizin fəxri olmuşlar və indi də ölkəmiz onlarla fəxr edir. Lakin o, təkcə gözəl musiqiçi deyil, həm də görkəmli humanist və gözəl insan idi".
Baş nazir mərasimdə iştirak edən Qalina Vişnevskayaya müraciət edərək demişdir ki, Vişnevskaya Mstislav Rostropoviçin sevdiyi qadın və həyat yoldaşı olmaqla bərabər, həm də onun məsləkdaşı idi. Vladimir Putin Moskvada Rostropoviç və Vişnevskayanın Mədəni İrsi Mərkəzinin yaradılması ideyasını dəstəkləyəcəyini vəd etmişdir.
Qalina Vişnevskaya mərasimə toplaşanların hamısına təşəkkürünü bildirərək demişdir: "Bizim böyük Rusiyanın böyük vətəndaşının xatirəsini yad etməyə gələnlərin hamısına təşəkkür etmək istəyirəm".
Mərasimdə iştirak edən Azərbaycanın Rusiya Federasiyasındakı səfiri Polad Bülbüloğlu qeyd etmişdir ki, Bakının Rusiyaya və bütün dünyaya belə bir görkəmli musiqiçi və gözəl insan bəxş etməsinə görə biz hamımız fəxr edirik.
Monumentin ucaldılması üçün məhz həmin yerin seçilməsi təsadüfi deyildir. Mstislav Leopoldoviç Bryusov döngəsini çox xoşlayırdı. O, xanımı, məşhur müğənni Qalina Vişnevskaya və qızları ilə birlikdə həmin döngədəki Bəstəkarlar Evində yaşayırdı.
Monumentin müəllifləri maestronu uşaqlıq vaxtından tanıyan heykəltəraş Aleksandr Rukavişnikov və memar İqor Voskresenskidir.
Böyük musiqiçiyə abidənin açılışı martın 27-də, bu məşhur sənətkarın doğum günündə start götürmüş III Beynəlxalq Mstislav Rostropoviç festivalında ən mühüm hadisə olmuşdur.
Asya HACIZADƏ,
AzərTAc-ın xüsusi müxbiri
Moskva
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Gəncənin daxili yollarında təmir işləri yekunlaşıb
29 Mart
Təzə ad düşərli olub
29 Mart
Qafqazda sülhü savaşa çevirmək istəyən kənar qüvvələr var
29 Mart
Ermənistan başqalarının əlində alətə çevrilmişdir
29 Mart
İmperializmin təzahürü
29 Mart
Bakı asan rəqib deyil
29 Mart
Qərb Cənubi Qafqazı yeni fəlakətə sürükləmək istəyir
29 Mart
Terror bəşəriyyət üçün təhlükədir
29 Mart
Qərbin məkri Ermənistanı ağır duruma salacaq
29 Mart
Solovyov ermənilərin maşası olmağından "şərəf" duyur
29 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!