03 Fevral 2012 12:02
384
Mədəniyyət
A- A+

Moldova televiziyası Azərbaycanın «Eurovision-2012» hazırlıqlarından bəhs edən reportaj yayımlamışdır

 

Azərbaycan paytaxtında səfərdə olmuş "Moldova-1" televiziyasının çəkiliş heyəti yanvarın 25-də Bakıdakı "Buta Palace"da  keçirilmiş "Eurovision-2012" mahnı müsabiqəsinin rəmzi açarının təqdim edilməsi mərasimindən, eləcə də may ayında reallaşacaq şouya hazırlıqlardan bəhs edən reportajını ölkə tamaşaçılarına təqdim etmişdir.

AzərTAc eurovision.az saytına istinadla xəbər verir ki, Bakının bu möhtəşəm müsabiqəyə hazırlıqlarına heyran olan moldovalı telejurnalistlərin reportajında Azərbaycan paytaxtında "Eurovision-2012" mahnı yarışmasının uğurlu keçiriləcəyinə böyük inam ifadə olunur.

Telereportajda Azərbaycan muğamından, xalq artisti Alim Qasımovun "Buta Palace"dakı ifasından, "Eurovision" ulduzları Ruslana və Səfurə Əlizadənin çıxışlarından da bəhs edilmişdir.

"Eurovision-2011"in qalibləri Eldar Qasımov və Nigar Camal Moldova tamaşaçılarına bu müsabiqənin onların həyatlarını dəyişdirdiyini demişlər. "Eurovision-2009"un qalibi Aleksandr Rıbak və "Eurovision-2010"un birincisi olmuş Lena Mayer isə "Moldova-1" telekanalına müsahibələrində "Buta Palace"dakı təqdimat mərasiminin möhtəşəm hazırlandığını, Bakının bu yarışmaya layiqli ev sahibliyi edəcəyini bildirmişlər.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video