17:51 21 Oktyabr 2021
ONLINE XƏBƏR LENTİ
Tarix Muzeyi: Azərbaycanda neft sənayesi fotolarda
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Misir portalı: Azərbaycan Cənubi Qafqazda yeni geosiyasi reallıq yaradıb
ANA SƏHİFƏ / SİYASƏT
22:44 12.10.2021

 

Azərbaycan Cənubi Qafqaz regionunda yeni geosiyasi reallıq yaradıb. Prezident İlham Əliyev bəyan edib ki, Ermənistan daha 30 il işğalı davam etdirmək istəyirdi və İkinci Qarabağ müharibəsində Azərbaycanın Qələbəsi buna son qoydu.

AZƏRTAC xəbər verir ki, bu fikirlər Misirin “Rayetmısr” portalında yayımlanmış məqalədə yer alıb.

Jurnalist Məhəmməd Rafaat Fərağın yazısında qeyd olunub ki, Prezident İlham Əliyev işğaldan azad olunmuş Xocavənd rayon ictimaiyyəti ilə görüşündə Azərbaycanın BMT Təhlükəsizlik Şurasının qətnamələrini öz gücü ilə yerinə yetirdiyini, ərazi bütövlüyünü bərpa etdiyini söyləyib. O vurğulayıb ki, ermənilərin tarixi də, keçmişi də, dövlətçiliyi də, mifologiyası da saxtadır. Sadəcə olaraq, dünya erməniliyi yaşadığı ölkələrdə elə bir yalan rəy yaradıb ki, sanki Ermənistan əhalisi əsrlər boyu burada yaşayıb. Hadruta ermənilər İrandan XIX əsrdə köçürülüblər.

Məqalədə qeyd olunub ki, Azərbaycan Ordusunun müharibədə Qələbəsi onun düşmənin silahlı qüvvələrindən hərbi və texnoloji baxımdan üstünlüyü ilə əlaqədardır. Belə ki, bütün dünya 44 günlük döyüşlərdə Azərbaycan PUA-larının erməni ordusunun zirehli texnikasını necə məhv etdiyinin şahidi oldu. Köhnə sovet hərbi texnikası, istehkamlar Ermənistan ordusunu darmadağın olmaqdan xilas edə bilmədi. Azərbaycanın hərbi aviasiyası düşmənin 2 milyard dollardan artıq dəyəri olan hərbi texnikasını sıradan çıxarmağa müvəffəq oldu.

Müəllif yazır ki, Azərbaycan Ordusu hərb tarixində ən müasir silahlardan və texnologiyalardan istifadə edərək öz itkilərini minimuma endirdi və dünyanın müharibə doktrinasına yeniliklər gətirdi. Prezident İlham Əliyev Hadrut qəsəbəsinin azad olunmasını tarixi hadisə adlandırıb və əlavə edib ki, ermənilər üçün gözlənilməz olan bu hərbi taktikadan sonra digər yaşayış məntəqələri də düşməndən geri alınıb.



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM