Milli Məclisin iqtisadi siyasət komitəsinin iclası keçirilmişdir
Mayın 12-də Milli Məclisin iqtisadi siyasət komitəsinin iclası keçirilmişdir.
AzərTAc xəbər verir ki, iclasda “Azərbaycan Respublikasının 2013-cü ilin dövlət büdcəsinin icrası haqqında” qanun layihəsi müzakirəyə çıxarılmışdır.
Komitənin sədri Ziyad Səmədzadə bildirmişdir ki, 2013-cü ildə Azərbaycanda bütün iqtisadi parametrlər müsbət istiqamətdə dəyişmişdir. Ötən il dövlət büdcəsinin icrası son on il ərzində iqtisadiyyatda baş verən dəyişikliklərin xarakteristikasını, iqtisadiyyatda yeni mərhələnin başlanmasını göstərir.
Maliyyə nazirinin müavini Azər Bayramov 2013-cü ilin dövlət büdcəsinin icrası haqqında məlumat vermişdir. Vurğulamışdır ki, 2013-cü il dövlət büdcəsinin mədaxili 101,8 faiz, xərcləri isə 96,4 faiz yerinə yetirilmişdir. Bu müddətdə dövlət büdcəsinin gəlirləri 19 159 milyon manat proqnoza qarşı 19 496,3 milyon manat və yaxud 101,8 faiz icra olunmuşdur. Bu da əvvəlki ilin icra göstəricisinə nisbətən 12,8 faiz çoxdur.
Nazir müavini qeyd etmişdir ki, ümumi daxili məhsulda (ÜDM) dövlət büdcəsi gəlirlərinin xüsusi çəkisi 33,8 faiz təşkil etmişdir ki, bu da əvvəlki ilin müvafiq göstəricisindən 2,2 faiz çoxdur. ÜDM-də 5,8 faiz, qeyri-neft sektorunda isə 10 faiz artım qeydə alınmışdır. 2013-cü ildə orta aylıq əmək haqqı 6,2 faiz artaraq 423 manata, əhalinin gəlirləri 6,6 faiz artaraq 4 min manata çatmışdır. Ölkənin strateji valyuta ehtiyatlarının həcmi 4,1 milyard dollar artaraq 50 milyard dolları ötmüşdür.
İqtisadiyyat və sənaye nazirinin müavinin Sevinc Həsənova ötən il makroiqtisadi göstəricilər, qeyri-neft sektorunun inkişafı istiqamətində görülmüş işlərdən danışmışdır. Azərbaycanda son vaxtlarda iqtisadi sabitliyin bərqərar edildiyini deyən nazir müavini ötən il ölkədə inflyasiyanın 2,4 faiz səviyyəsində olduğunu diqqətə çatdırmışdır. Bildirmişdir ki, valyuta ehtiyatları xarici dövlət borcunu 10 dəfədən çox üstələyir. 2003-2013-cü illərdə ölkədə orta iqtisadi artım 12,7 faiz təşkil etmişdir.
Ölkədə işsizliyin səviyyəsinin azaldılması istiqamətində məqsədyönlü tədbirlərin həyata keçirildiyini deyən nazir müavini qeyd etmişdir ki, Azərbaycan bu göstəricilərinə görə dünyada 37-ci yeri tutur.
Milli Məclisin deputatı Vahid Əhmədov dövlət büdcəsindən iri layihələrə kifayət qədər vəsait ayrıldığını qeyd edərək buna nəzarətin gücləndirilməsinin vacibliyini vurğulamışdır. O, bunun üçün “Maliyyə nəzarəti haqqında” qanun qəbul edilməsi təklifini irəli sürmüşdür.
Müzakirələr zamanı qeyd olunmuşdur ki, 2013-cü ilin dövlət büdcəsinin əsas göstəriciləri, məqsəd və vəzifələri uğurla icra olunmuşdur.
Daha sonra “Torpaqların dövlət ehtiyacları üçün alınması haqqında” ,“Dövlət rüsumu haqqında” Azərbaycan Respublikası qanunlarına dəyişiklik edilməsi, “Kənd təsərrüfatı məhsulları istehsalçılarına müddətli vergi güzəştlərinin verilməsi haqqında”, “Körpələr evlərinə, körpələr evi-uşaq bağçalarına, uşaq bağçalarına, xüsusi uşaq bağçalarına və uşaq evlərinə müddətli vergi güzəştlərinin verilməsi haqqında” qanunların ləğv edilməsi barədə qanun layihələri müzakirə edilmişdir.
Eyni zamanda, “Akkreditasiyanın uyğunluğu haqqında” qanunun layihəsi (üçüncü oxunuşda) müzakirə olunmuşdur.
Müzakirə olunan bütün qanun layihələri Milli Məclisin plenar iclasına tövsiyə edilmişdir.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
İqlim dəyişikliyi saatların bir saniyə itirməsinə səbəb ola bilər
29 Mart
Azərbaycanın su qıtlığı probleminin həllində əldə edilən irəliləyişlər müzakirə edilib...
29 Mart
ABŞ husilərə aid daha dörd PUA-nın vurulduğunu bildirib
29 Mart
Türkiyədə FETÖ ilə əlaqədə şübhəli bilinən daha 70 nəfər saxlanılıb
29 Mart
Milli Məclis 21 məsələnin müzakirəsinə başlayıb
29 Mart
Ötən il Azərbaycan iqtisadiyyatına olan birbaşa xarici investisiyaların həcmi açıqlanıb
29 Mart
“Anev-2024 Türk dünyasının mədəniyyət paytaxtı” ilinin açılış mərasimi keçirilib
29 Mart
Ombudsman 31 Mart – Azərbaycanlıların Soyqırımı Günü ilə əlaqədar bəyanat yayıb
29 Mart
Xankəndidə silah-sursat aşkarlanıb
29 Mart
Azərbaycan neftinin qiyməti 89 dolları ötüb
29 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!