17 May 2012 03:05
493
PARLAMENT
A- A+

Milli Məclisdə görüş

 

Mayın 16-da Milli Məclisdə Azərbaycan-Almaniya parlamentlərarası işçi qrupunun üzvləri Almaniya Bundestaqının deputatı Folker Bek ilə görüşdülər.

Deputat Rövşən Rzayev qonağı səmimi salamlayaraq, işçi qrupun üzvlərini ona təqdim etdi. Deputat iki ölkə arasında əlaqələrin qədim tarixi kökləri olduğunu xatırladaraq, münasibətlərimizin bundan sonra daha da inkişaf edəcəyinə inamını ifadə etdi.

Söhbətdə Azərbaycanın Avropaya inteqrasiyası prosesində Almaniya təcrübəsinə böyük maraq göstərildiyi, demokratiyanın inkişafı sahəsində əməkdaşlığımızın vacibliyi vurğulandı.

Rövşən Rzayev Bundestaqın Cənubi Qafqazda vəziyyətlə əlaqədar qəbul etdiyi qərarın obyektivlik baxımından əhəmiyyətini qeyd etdi. Almaniyanın bundan sonra da ölkəmizin haqlı mövqeyini müdafiə edəcəyinə ümidvar olduğunu söylədi.

Görüşdə deputatlar Əhliman Əmiraslanov, Fazil Mustafa, Xanlar Fətiyev, Fuad Muradov əlaqələrimizin bu günü və gələcək inkişaf perspektivləri barədə fikirlərini bölüşdülər.

Səmimi qəbula görə minnətdarlığını bildirən Folker Bek ölkəmizə səfərindən məmnun qaldığını söylədi. Qonaq ölkəsinin regionda mövcud olan münaqişələrin beynəlxalq hüquq normaları çərçivəsində həllinə tərəfdar olduğunu bildirdi. O, bu problemin həllinin uzanmasının Cənubi Qafqazda inkişafa mane olduğunu dedi. Qonaq ölkəsi ilə Azərbaycan arasında əlaqələrin xalqlarımızın mənafeyi naminə bundan sonra da inkişaf edəcəyinə inamını ifadə etdi.

Görüşdə qarşılıqlı maraq doğuran digər məsələlər ətrafında fikir mübadiləsi aparıldı.

 

Milli Məclisin Mətbuat xidməti

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video