Mərkəzi Asiya Regional İqtisadi Əməkdaşlıq Proqramı çərçivəsində yüksəksəviyyəli virtual dialoq keçirilib
Ölkəmizdə həyata keçirilən sosial dəstək proqramları barədə beynəlxalq tədbir iştirakçılarına məlumat verilib
Azərbaycanın 2021-ci il ərzində sədrlik etdiyi Mərkəzi Asiya Regional İqtisadi Əməkdaşlıq (CAREC) Proqramı çərçivəsində “CAREC regionunda COVID-19 pandemiyasından sonra artan bərabərsizliyin aradan qaldırılması üçün sosial xərclər” mövzusunda videokonfrans formatında yüksəksəviyyəli dialoq keçirilib.
11 ölkənin (Azərbaycan, Gürcüstan, Əfqanıstan, Çin, Qazaxıstan, Qırğızıstan, Monqolustan, Tacikistan, Özbəkistan, Türkmənistan, Pakistan) daxil olduğu proqram regional əməkdaşlığın dəstəklənməsi vasitəsilə üzv ölkələrdə iqtisadi artımın və həyat tərzinin yaxşılaşdırılması məqsədi daşıyır.
Əmək və əhalinin sosial müdafiəsi nazirinin müavini Anar Kərimov virtual dialoqun COVID-19-un təsirlərinin yumşaldılması tədbirləri və pandemiyadan xilas olmaq üçün strategiyalarla bağlı fəal təcrübə mübadilələri üçün dəyərli imkan yaratdığını vurğulayb. Nazir müavini CAREC regionu çərçivəsində əməkdaşlığa böyük əhəmiyyət verən Azərbaycanın artıq 3-cü dəfə olmaqla 2021-ci ildə də bu inklüziv əməkdaşlıq platformasına sədrlik etdiyini, CAREC-in regionun davamlı iqtisadi inkişafına gələcəkdə də töhfə verəcəyinə əminliyini bildirib.
A.Kərimov Prezident İlham Əliyevin tapşırığı ilə pandemiyanın ilk günlərindən ölkəmizdə icra olunan çevik və genişmiqyaslı sosial dəstək proqramlarından danışıb. O, ölkəmizdə sosial ödənişlərin və əməkhaqların artırılması istiqamətində nailiyyətləri qeyd edib. Normativ-hüquqi bazanın təkmilləşdirilməsi və yeni qanunların, strategiyaların qəbulu, sosial sahədə elektron xidmətlərin geniş tətbiqi, sosial ödənişlərin adekvatlığının və şəffaflığının təmin edilməsi, sosial xidmətin keyfiyyətinin yüksəldilməsi, vətəndaş məmnunluğuna nail olunması istiqamətlərində atılan mühüm addımları diqqətə çatdırıb. Dövlət sosial xidmətlərinin “bir pəncərə”dən, operativ və şəffaf təşkili üçün yaradılan DOST mərkəzləri, avtomatlaşdırılmış pensiya təyinatı mexanizmi, Əmək və Əhalinin Sosial Müdafiəsi Nazirliyinin 18 altsistemdən ibarət mərkəzləşdirilmiş informasiya sistemi, “e-sosial” internet portalı, “Məşğulluq” alt sistemi barədə məlumat verib.
Nazir müavini Azərbaycanda qeyri-rəsmi məşğulluğun qarşısının alınması, işçi qüvvəsinin əmək bazarına uyğunlaşdırılması, inklüziv məşğulluğun təmin edilməsi istiqamətlərində aparılan işləri qeyd edib, gender bərabərliyinin təmin edilməsinin diqqətdə saxlandığını bildirib. A.Kərimov 2019-cu ildə sosial müavinət və pensiyalarda orta hesabla 92 faiz, minimum pensiyada 82 faiz, minimum əməkhaqqında 92 faiz artım olduğunu, digər sosial ödənişlərdə baş verən artımları diqqətə çatdırıb. 2019-cu il üzrə edilən həmin artımların maliyyə həcminin illik 2,3 milyard manat olduğunu və 4,2 milyon nəfəri əhatə etdiyini, bu artımların pandemiyanın həssas əhali qruplarına mənfi təsirlərini əhəmiyyətli dərəcədə yumşaltmağa kömək etdiyini vurğulayıb.
A.Kərimov həmçinin pandemiya dövründə ünvanlı sosial yardım, özünüməşğulluq proqramlarının əhatə dairəsininin genişləndirildiyini, xüsusi karantin dövründə birdəfəlik ödəmə proqramlarının icra edildiyini, 90 min işsiz və işaxtaran üçün haqqı ödənilən ictimai işlərin təşkil olunduğunu və s. sosial dəstək mexanizmlərini diqqətə çatdırıb. O, qarşıdakı dövrdə də ölkəmizdə sosial rifah siyasətinin davam etdiriləcəyini, 2022-ci ildə Azərbaycanda sosialyönümlü xərclərin dövlət büdcəsinin 46,4 faizini və ya 13,8 milyard manatını təşkil edəcəyini bildirib. Qeyd edib ki, gələn il minimum əməkhaqqının artırılması, büdcədən maliyyələşən təşkilatların əməyinin ödənilməsi sisteminin təkmilləşdirilməsi, minimum pensiyanın, ehtiyac meyarının, bir sıra sosial müavinət və ödənişlərin artırılması nəzərdə tutulur.
Nazir müavini vurğulayıb ki, bir il əvvəl Azərbaycan Respublikası beynəlxalq hüquq normaları çərçivəsində öz ərazi bütövlüyünü bərpa etdi, BMT-nin 4 qətnaməsinin icrasına nail oldu. İşğaldan azad edilmiş ərazilərimizin bərpası istiqamətində hazırda fəal iş aparılır.
İclasda COVID-19 pandemiyası nəticəsində yaranmış iqtisadi və maliyyə çətinliklərinin həlli, gələcəkdə yarana biləcək iqtisadi və maliyyə böhranlarına qarşı güclü və davamlı sosial müdafiə sisteminin qurulması məsələləri ətrafında müzakirələr, təcrübə mübadilələri aparılıb.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Ukraynaya yardım mexanizmi müzakirə edilib - MƏLUMAT
28 Mart
Fevralda DSMF tərəfindən 26,6 minə yaxın vətəndaş müraciəti cavablandırılıb
28 Mart
“YAŞAT” Fondu tərəfindən dəstək tədbirləri davam edir
28 Mart
Bayram günlərində “Azərpoçt”un xidmətlərindən 400 mindən çox vətəndaş istifadə edib ...
28 Mart
D vitamini uşaqların sümük-əzələ sisteminin sağlamlığında mühüm rol oynayır
28 Mart
Rusiyada terror aktından zərərçəkənlərə dəstək məqsədilə Müslüm Maqomayevin mahnılarından ibarət alb...
28 Mart
Əhalinin tibbi xidmətlərə əlçatanlılığı ilə bağlı sorğunun nəticələri müzakirə olunub ...
28 Mart
Türkiyənin vitse-prezidenti: Daxili istehlakın ifrat artımı ölkənin iqtisadi inkişafına zərbə vurur ...
28 Mart
Şröder: Putinlə şəxsi münasibətlərim Ukraynada sülh prosesinə fayda verə bilər
28 Mart
BŞİH-də müşavirə keçirilib, “Lifttəmir”in direktoruna şiddətli töhmət verilib
28 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!