26 Noyabr 2021 23:32
744
İDMAN
A- A+

Mədət Quliyev: Çalışmalıyıq ki, insanlar nəqliyyat vasitəsi kimi velosipeddən daha çox istifadə etsinlər

 

Təməli ulu öndər Heydər Əliyev tərəfindən qoyulmuş siyasəti Prezident İlham Əliyev uğurla davam etdirir. Azərbaycanda velosiped idmanının inkişaf etməsi üçün çox gözəl infrastruktur yaradılıb. Qeyd edim ki, belə yollar, belə imkanlar dünyanın çox az ölkələrində var. Çalışmalıyıq ki, bu idman növünün kütləviliyini təmin etməklə onun yüksək səviyyədə inkişafına nail olaq.

AZƏRTAC xəbər verir ki, bu fikirləri Azərbaycan Velosiped İdmanı Federasiyasının (AzVİF) prezidenti seçilmiş Mədət Quliyev mətbuat konfransında jurnalistlərə müsahibəsində deyib.

M.Quliyev federasiya rəhbərliyinin peşəkar velosipedçilərin yetişməsi üçün səy göstərəcəyini qeyd edib. O bildirib ki, regionlarda da bu idman növünə marağın artırılması vacibdir: “Əsas məqsədimiz, həmçinin peşəkar velosipedçilər yetişdirməkdir. Ölkəmizdə artıq belə velosipedçilər var. Onlardan Olimpiya Oyunlarında iştirak etmiş Elçin Əsədovu qeyd etmək istəyirəm. Velosiped idman növünü regionlarda da inkişaf etdirmək çox vacibdir. Çalışmalıyıq ki, insanlar nəqliyyat vasitəsi kimi velosipeddən daha çox istifadə etsinlər. Dünyada 40-a yaxın peşəkar velosiped komandası var. Ölkəmizin də burada təmsil olunmasına çalışacağıq. İnanıram ki, böyük nailiyyətlər əldə edəcəyik”.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video