02 Noyabr 2011 12:11
249
Mədəniyyət
A- A+

«Mədəniyyət» qəzetinin xüsusi nömrəsi çap edilmişdir

 

Mədəniyyət və Turizm Nazirliyinin orqanı olan "Mədəniyyət" qəzetinin bu günlərdə xüsusi nömrəsi işıq üzü görmüşdür. Nəfis tərtibatla çap edilmiş bu nömrə Azərbaycan Respublikasının dövlət müstəqilliyinin bərpasının 20-ci ildönümünə həsr edilmişdir.

AzərTAc xəbər verir ki, qəzetin üz səhifəsində ulu öndər Heydər Əliyevin "Müstəqilliyimiz əbədidir, sarsılmazdır" kəlamı, Prezident İlham Əliyevin dövlət müstəqilliyimizin bərpasının 20-ci ildönümü münasibətilə imzaladığı müvafiq sərəncamda səsləndirdiyi mühüm fikirlər yer almışdır.

Xüsusi nömrədə təqdim edilmiş "Azərbaycan dünya birliyində özünə layiqli yer tutub", "Mədəniyyət tariximizə böyük töhfələr", "İncəsənətimizə dövlət qayğısı nailiyyətlərimizin rəhnidir", "Turizmin inkişafı müstəqillik dövrünün nailiyyətidir" başlıqlı məqalələrdə son 20 il ərzində ölkəmizdə mədəniyyət sahəsinin inkişafı, tərəqqisi istiqamətində həyata keçirilmiş mühüm layihələr barədə dolğun məlumatlar əksini tapmışdır.

Buraxılışda mədəniyyət və turizm naziri Əbülfəs Qarayevin "Müstəqillik dövründə ölkəmizin mədəniyyəti və turizmi mühüm inkişaf yolu keçib" adlı məqaləsində son 20 ildə ölkəmizin mədəni həyatına ətraflı nəzər salınmışdır.

Xüsusi buraxılışda görkəmli mədəniyyət xadimlərinin, söz ustalarının müstəqilliyimizin 20 illik dövrünə baxışları, həmçinin tanınmış şairlərimizin azərbaycançılıq məfkurəsindən qaynaqlanan şeirləri təqdim olunmuşdur.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video