Mahmud Məmməd-Quliyev: Zəngəzur dəhlizinin bölgələrarası ticarət və nəqliyyatın inkişafı üçün böyük potensialı var
Qazaxıstanın paytaxtı Nur-Sultanda Asiyada Qarşılıqlı Fəaliyyət və Etimad Tədbirləri üzrə Müşavirənin (AQEM) üzv dövlətlərinin xarici işlər nazirlərinin görüşünün (hibrid formatda) gündəliyində forumun fəaliyyətinin əsas seqmentlərində etimad tədbirlərinin gücləndirilməsi kontekstində inkişaf perspektivləri müzakirə olunub.
AZƏRTAC xəbər verir ki, görüşdə çıxış edən Azərbaycan xarici işlər nazirinin müavini Mahmud Məmməd-Quliyev Azərbaycanın AQEM-in üzv dövlətləri arasındakı ticarət, nəqliyyat və tranzit imkanlarından daha səmərəli istifadəni davam etdirəcəyini bildirib.
Sentyabrın 23-də Azərbaycanın təşəbbüsü ilə keçirilən ekspertlərin son iclasında üzv dövlətlərin, eləcə də özəl sektorun nümayəndələrinin rəqəmsallaşdırma və texnoloji nailiyyətlərin tətbiqi yolu ilə bu sahələrdə əməkdaşlığın genişləndirilməsində maraqlı olduqları vurğulanıb.
44 günlük Vətən müharibəsində ölkəmizin qazandığı möhtəşəm Zəfər nəticəsində Ermənistanla Azərbaycan arasında 30 il davam edən silahlı qarşıdurmanın Azərbaycan, Rusiya və Ermənistan liderləri tərəfindən üçtərəfli Bəyannamənin imzalanması ilə başa çatdığı qeyd olunub.
“Üçtərəfli Bəyannamənin 9-cu bəndinə uyğun olaraq Azərbaycanın əsas ərazisini Naxçıvan Muxtar Respublikası ilə birləşdirəcək Zəngəzur dəhlizi münaqişədən sonrakı normallaşma üçün vacibdir. Zəngəzur dəhlizi bölgələrarası ticarət və nəqliyyatın inkişafında böyük potensiala malikdir. Bu fürsətdən istifadə edərək, biz bütün AQEM üzv dövlətlərini bu tarixi əlamətdar layihədə iştirak etməyə və onun geniş imkanlarından istifadəyə dəvət edirik”, - deyə nazir müavini deyib.
Görüşdə çıxış edənlər Asiya regionunda ölkələrin suverenliyinə, ərazi bütövlüyünə hörmət edildiyini, mehriban qonşuluq, daxili işlərə qarışmamaq prinsipləri əsasında əməkdaşlığın qurulmasına önəm verildiyini, narkotik qaçaqmalçılığına, terror qruplaşmalarına qarşı mübarizənin zəruriliyini diqqətə çatdırıb.
Görüşdə xarici işlər nazirləri Əfqanıstanla bağlı bir neçə aspektdən ibarət geniş bəyanat yayıblar. İlk növbədə üzv dövlətlər Əfqanıstanda sülhün və iqtisadi inkişafın bərpasının bütün AQEM regionunda təhlükəsizlik və sabitlik üçün əsas məqam olduğunu ifadə ediblər.
Görüş çərçivəsində, AQEM tərkibində Müdriklər Şurasının məşvərətçi orqanının yaradılması qərara alınıb. Qazaxıstanın AQEM-ə sədrliyinin 2024-cü ilə qədər davam edəcəyi açıqlanıb.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Azərbaycan və Qırğızıstan prezidentləri Ağdam şəhərində olublar YENİLƏNİB
25 Aprel
Azərbaycanın Milli Qəhrəmanı Albert Aqarunovun Şəhidlər xiyabanında xatirəsi anılıb
25 Aprel
Elmira Süleymanova II Fəxri xiyabanda dəfn olunub
25 Aprel
Britaniya alimləri xərçəngin müalicəsində mühüm addım atıblar
25 Aprel
Üç ayda 38,9 min nəfərdən çox şəxsə sosial müavinət və təqaüd təyin olunub
25 Aprel
Yığmanın məşqçisi: Azərbaycanda akrobatika gimnastikasına olan maraq bizi sevindirir
25 Aprel
Milli Oftalmologiya Mərkəzi və Dəmiryol Səyyar Klinikası Balakəndə tibbi aksiya keçirəcək ...
25 Aprel
Azərbaycan Ordusunda komanda-qərargah təlimləri keçirilir
25 Aprel
Qazaxıstan TDT ölkələrinin kosmik sahədə əməkdaşlığını dəstəkləyir
25 Aprel
Xocalıda insan qalıqları aşkarlanıb
25 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!