15 Iyul 2021 14:24
990
SİYASƏT
A- A+

Litvalı jurnalist Azərbaycanın işğaldan azad edilmiş torpaqları haqqında reportaj hazırlayıb

 

Xarici kütləvi informasiya vasitələri nümayəndələrinin Azərbaycanın işğaldan azad edilmiş torpaqlarına səfərləri davam edir. Litvalı jurnalist Yanyus Matonis də bu ərazilərdə səfərdə olub və burada görülən işlər barədə xüsusi reportaj hazırlayıb.

AZƏRTAC Litvanın lnk.lt portalına istinadla həmin reportajı şərh edir. Cəbrayıl rayonunda səfərdə olmuş litvalı müxbir qeyd edir ki, orada 100 minə qədər mina basdırılıb. Buna görə hazırda genişmiqyaslı minatəmizləmə işləri aparılır.

Ümumiyyətlə, Qarabağın ətrafındakı yeddi rayonun hamısı minalanıb. Bu yaxınlarda iki azərbaycanlı jurnalist minaya düşərək həlak olub. İndiyə qədər Azərbaycan tərəfə yalnız üç rayonunun minalanmış sahələrinin xəritələri təqdim edilib. Ermənistan bu xəritələri hərbi əsirlərlə dəyişdirir. Yanyus Matonis vurğulayır ki, hər gün 20 kvadrat kilometr ərazi minalardan təmizlənir. Cəbrayıl rayonunda uzunluğu 130 kilometrə qədər olacaq dəmir yolu tikintisi başlanıb.

Reportajda daha sonra Azərbaycanın qədim Şuşa şəhərindən bəhs edilir. Yanyus Matonis yazır: “Şuşa Qarabağda strateji əhəmiyyətli qaladır. Altı həftəlik müharibədə Azərbaycan Ordusu bu şəhəri işğaldan azad edəndən sonra Azərbaycanın qələbəsi praktiki olaraq qabaqcadan müəyyən edilmişdi. XVIII əsrdə salınmış Şuşa müharibə dövründə Qarabağın ən çox zərər çəkmiş şəhərlərindən biridir. Burada yaşayış binaları ilə bərabər 850 memarlıq irsi obyekti də dağıdılıb”.

Materialda Şuşada aparılan genişmiqyaslı tikinti və yenidənqurma işləri də işıqlandırılır. Məqalənin sonunda vurğulanır ki, məcburi köçkünlər öz əcdadlarının torpaqlarına qayıda biləcəkləri günü səbirsizliklə gözləyirlər.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video