17 May 2013 12:05
583
Milli Məclis
A- A+

Küveyt Azərbaycanın ədalətli mövqeyini dəstəkləyir

 

Mayın 16-da Milli Məclisin Sədri Oqtay Əsədov Küveyt Millət Məclisinin Küveyt-Azərbaycan dostluq qrupunun rəhbəri Mübarək Saleh əl-Nəcədəni ilə görüşüb. Görüşdə Azərbaycanın Küveytlə həm iqtisadi-siyasi əlaqələri, həm də parlamentlərarası dostluq münasibətləri müzakirə olunub.

Milli Məclisin Sədri Oqtay Əsədov qonaqları Azərbaycanda görməkdən məmnun olduğunu bildirərək deyib ki, qarşılıqlı görüşlər iki ölkə arasında siyasi, iqtisadi, mədəni və digər əlaqələrin inkişafına təkan verir: "Arzu edərdik ki, bu görüşdən sonra ölkələrimiz arasında yeni bir inkişaf mərhələsi başlasın. Azərbaycanla Küveyt arasındakı siyasi əlaqələr yüksəkdir. Həmçinin mədəni əlaqələrimiz barədə də bunu deyə bilərik. Çünki bu günə qədər Küveytdə iki dəfə Azərbaycan mədəniyyəti günləri, Azərbaycanda isə iki dəfə Küveyt mədəniyyəti günləri təşkil olunub. Bunun özü mədəni əlaqələrimizin yüksək olduğunu göstərir".

Küveyt Millət Məclisinin Küveyt-Azərbaycan dostluq qrupunun rəhbəri Mübarək Saleh əl-Nəcədə Azərbaycanı Küveytə yaxın, dost ölkə kimi qiymətləndirib: "Azərbaycan uzun müddət sovet hökumətinin tərkibində olmasına baxmayaraq, öz mədəniyyətini, milli-mənəvi dəyərlərini qoruyub saxlayıb. Azərbaycan bizim gözümüzdə islam tarixinin bir hissəsidir. Biz Azərbaycan insanlarının əxlaqına, mənəvi dəyərlərinə çox hörmətlə yanaşırıq və onun bütün problemlərinə şərikik. Xüsusən də Ermənistan-Azərbaycan, Dağlıq Qarabağ məsələsində Azərbaycanın haqq səsini dəstəkləyirik. Bunun üçün beynəlxalq təşkilatlar qarşısındakı səylərimizi də əsirgəməyəcəyik".

Görüşdə Mübarək Saleh əl-Nəcədə Oqtay Əsədovun Küveytə rəsmi səfəri ilə bağlı Küveyt Prezidentinin dəvət məktubunu təqdim edib.

 

E.MƏNSİMOV,

A.MƏMMƏDOV (foto),

"Azərbaycan"

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video