25 Oktyabr 2021 12:12
580
CƏMİYYƏT
A- A+

Koronavirusun AY.4.2 növünün qonşu ölkələrdə geniş yayılması buster doza ilə peyvəndləmənin sürətləndirilməsini zəruri edir

 

Hazırkı vəziyyətdə vətəndaşların daha intensiv vaksinasiya olunması vacibdir. Çünki yeni növ koronavirus (COVID-19) infeksiyasının AY.4.2 növü qonşu ölkələrdə geniş yayılmağa başlayıb. Bu, 3-cü doza vaksinasiyanın sürətləndirilməsini zəruri edir. İki doza vaksin vurduranların üçüncü doza vaksin alması şiddətlə tövsiyə edilir. Xüsusilə tibb işçiləri, yanaşı xəstəliyi olan vətəndaşlar, 18 yaşdan yuxarı, lakin xroniki xəstəliklərdən əziyyət çəkənlər, yaşı 50-dən yuxarı olanlar buster doza ilə peyvəndlənməlidirlər. Çünki həmin qruplara daxil olan vətəndaşlar koronavirusun risk qrupu hesab edilirlər.

AZƏRTAC xəbər verir ki, bu barədə Kliniki Tibbi Mərkəzin baş infeksionisti Fərrux Sədirov məlumat verib.

Buster dozanın əhəmiyyəti barədə danışan həkim-infeksionist bildirib ki, vaksinasiyanın üçüncü mərhələsində iştirak vətəndaşları virusla yoluxmaqdan və yoluxduğu halda xəstəliyi ağır keçirməkdən qoruyacaq.

F.Sədirov qeyd edib ki, virusun orqanizmdən-orqanizmə keçdikdə yeni mutasiyalar üçün şərait yarandığını nəzərə almaq lazımdır: “Ona görə də peyvənd olunanların sayı nə qədər çox olarsa, virusun digər orqanizmə keçmək şansı qalmaz və yeni mutasiyalar yaranmaz. Bunun üçün vaksinasiyada iştirak edərək kütləvi immuniteti formalaşdırmaq lazımdır. COVID-19-dan xilas olmağın yeganə yolu budur”.

Həkim-mütəxəssis bildirib ki, COVID-19 infeksiyasının AY.4.2 növü mövcud virusun ikiqat dəyişilmiş formasıdır: “AY.4.2 yoluxmanın daha sürətli, inkubasiya dövrünün isə daha qısa olması ilə fərqlənir. Digər ştamlarda olduğu kimi, uşaqların da bu ştamla yoluxması müşahidə oluna bilər. Çünki AY.4.2 daha sürətlə yayılma xüsusiyyətinə malikdir. Lakin AY.4.2 növünün uşaqları daha çox yoluxdurduğuna dair fakt yoxdur, bu, sadəcə mülahizədir. Koronavirusun bütün ştamlarının əlamətləri, demək olar ki, eynidir və müalicə zamanı eyni üsul tətbiq edilir”.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video