06 Sentyabr 2012 01:09
894
Konstitusiya məhkəməsi
A- A+

Konstitusiya Məhkəməsinin Plenumunun qəbul etdiyi qərarlar respublikamızda uğurla həyata keçirilən məhkəmə-hüquq islahatlarına mühüm töhfə verir

 

Azərbaycan Respublikası Konstitusiya Məhkəməsinin sədri Fərhad Abdullayev sentyabrın 5-də ATƏT-in Bakı ofisinin rəhbəri, səfir Koray Tarqay ilə görüşmüşdür.

Konstitusiya Məhkəməsinin mətbuat xidmətindən AzərTAc-a bildirmişlər ki, F.Abdullayev qonağı salamlamış, Konstitusiya Məhkəməsinin beynəlxalq təşkilatlarla, o cümlədən ATƏT ilə əməkdaşlığının hüquq sisteminin müasirləşdirilməsi və ədalət mühakiməsinin təkmilləşdirilməsi üçün vacib olduğunu qeyd etmişdir.

Eyni zamanda, xüsusi olaraq vurğulanmışdır ki, keçən 14 il ərzində Konstitusiya Məhkəməsinin Plenumunun qəbul etdiyi 230 qərar və 52 qərardadla Konstitusiya Məhkəməsi Konstitusiyanın prinsip və dəyərlərini təmin etməyə çalışmışdır. Həmin qərarlar öz növbəsində digər məhkəmələr və dövlət orqanları üçün praktiki əhəmiyyət kəsb etməklə yanaşı, respublikamızda uğurla həyata keçirilən məhkəmə-hüquq islahatlarına mühüm töhfə verir.

Səfir Koray Tarqay ATƏT-in Bakı ofisinin Azərbaycan Respublikasının məhkəmə orqanları, o cümlədən Konstitusiya Məhkəməsi ilə hüquqi əməkdaşlıqda maraqlı olduğunu qeyd etmişdir. Bildirilmişdir ki, hakim və məhkəmə əməkdaşları üçün təşkil olunan təlimlər Avropa məhkəmə praktikası ilə yaxından tanış olmağa və öz fəaliyyətində tətbiq etməyə geniş imkanlar verir.

Səfir Koray Tarqay, 2013-cü ildə Konstitusiya Məhkəməsinin 15 illik yubileyinə həsr edilmiş tədbirlərdə ATƏT-in ekspertlərinin iştirakını təklif etmişdir.

ATƏT rəsmisi həmin gün Konstitusiya Məhkəməsi Plenumunun Azərbaycan Respublikasının Ailə Məcəlləsinin 132.1.1-ci və 132.1.2-ci maddələrinin şərh edilməsinə dair Goranboy Rayon Məhkəməsinin müraciətinə baxılması ilə bağlı iclasında da iştirak etmişdir.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video