13:49 20 Oktyabr 2021
ONLINE XƏBƏR LENTİ
00:50 20.10.2021

QARABAĞIN HAVA QAPISI


00:49 20.10.2021

11 ayda 14 səfər


Tarix Muzeyi: Azərbaycanda neft sənayesi fotolarda
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Keçmişə səyahət
ANA SƏHİFƏ / MƏDƏNIYYƏT
12:02 01.02.2012

 

Respublika Veteranlar Şurası Azərbaycan və rus xaqları arasındakı dostluq münasibətlərinin və mədəni əlaqələrin qorunub saxlanılması və inkişafı üçün həmin ölkənin bir çox təşkilatları, o cümlədən qeyri-hökumət və veteran təşkilatları ilə əlaqələrin daha da genişlənməsinə qarşılıqlı keçirilən tədbirlərə böyük əhəmiyyət verir.

Belə tədbirlərdən biri bu il yanvar ayının 26-da Bakıdakı Rusiya İnformasiya-Mədəniyyət Mərkəzində Bakı şəhər veteran təşkilatları fəallarının iştirakı ilə açılan fotosərgi oldu. ROSFOTO-nun (Sankt-Peterburq şəhəri) dövlət sərgi muzeyi mərkəzinin hazırladığı və təqdim etdiyi "Çoxsimalı Rusiya" adlanan fotosərgiyə Rusiyanın Azərbaycandakı səfirliyinin, Azərbaycanın Turizm və Mədəniyyət Nazirliyinin, respublika fotoqraflar ittifaqının, yaradıcı birlikləri, respublika veteran təşkilatlarının və digər təşkilatların nümayəndələri də dəvət edilmişdilər.

Sərgini Rusiya İnformasiya-Mədəniyyət Mərkəzinin rəhbəri Ə.Şeyxov açdıqdan sonra, fotosərginin təşkilatçılarından biri olan ROSFOTO-nun baş direktorunun müavini S.Y.Kuzmin bu səginin ilk dəfə Bakıda nümayiş etdirildiyini qeyd edib burada nümayiş etdirilən foto materiallar barədə məlumat verdi.

"Çoxsimalı Rusiya" layihəsi çərçivəsində keçirilən bu sərgidə qonşu ölkənin XIX əsrə dair həyatını və tarixini əks etdirən arxiv fotoşəkilləri nümayiş olunur. Onların arasında rus fotoqrafları D.İ.Yermakova, İ.V.Boldıryevə, P.P.Pokrişkinə, N.İ.Çaruşinə və digər sənətkarlara məxsus müxtəlif janrlı fotoşəkillər,  portretlər vardır.

Dünya memarlığının inciləri olan bir çox məbədlərin, xüsusilə Novqoroddakı Sofiya məbədinin, Nerlidəki Pakrov kilsəsinin, Vladimirdəki Uspenski kilsəsinin, Yuryevdəki Georgiyevski məbədinin, Moskva Kremlinin, Peterburq şəhərinin qədim tarixi abidələrinin fotoşəkilləri tamaşaçıların böyük marağına səbəb olmuşdur.

Rusiya Federasiyasının ərazisində qədim dövrlərdən məskunlaşmış müxtəlif dinlərə məxsus olan, öz adət-ənənələrini və həyat tərzini qoruyub saxlayan azsaylı xalqların, etnik qrupların öz milli geyimlərində və bəzək əşyalarındakı fotoşəkilləri də diqqəti cəlb edən eksponatlardandır.

Ümumiyyətlə, sərgidə nümayiş etdirilən unikal, nadir foto materiallar XIX əsr Rusiyasının həyatı və tarixi ilə tanış olmağa yaxşı imkan yaradır.

 

Zahiddin ABBASOV,

respublika Veteranlar Şurasının beynəlxalq əlaqələr və xalqlar arasında dostluq komissiyasının sədri



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM