04 Iyul 2021 01:35
839
İDMAN
A- A+

İngiltərə millisi Ukrayna seçməsini dörd cavabsız qolla məğlub edərək yarımfinala yüksəlib

 

Futbol üzrə İngiltərə millisi Avropa çempionatının yarımfinal mərhələsinə yüksəlib.

AZƏRTAC xəbər verir ki, iyulun 3-də turnirin dörddəbir final mərhələsi çərçivəsində Romadakı “Olimpiko” stadionunda baş tutan görüşdə Ukrayna və İngiltərə yığmaları üz-üzə gəliblər.

Almaniyalı Feliks Brixin idarə etdiyi oyuna İngiltərə millisi daha fəal başlayıb. İngilislər istəyinə oyunun 4-cü dəqiqəsində erkən qolla çatıb. Belə ki, Rahim Sterlinqin ara ötürməsindən sonra Hari Keyn rəqibin qapıçısı ilə üzbəüz qalıb və fürsəti əldən verməyib. Qoldan sonra da hücumların davam etdirən İngiltərə seçməsi matçın 31-ci dəqiqəsində hesab arasındakı fərqi artıra bilərdi, lakin ukraynalıların qapıçısı Georgiy Buşan komandasını xilas edə bilib. Qarşılaşmanın 34-cü dəqiqəsində Ukrayna millisinin baş məşqçisi Andrey Şevçenko məcburi əvəzetmə edib. Belə ki, Viktor Çıqankov zədələnərək meydanı tərk etmək məcburiyyətində qalıb. Onu Serqey Krivçov əvəz edib.

Görüşün birinci hissəsi İngiltərə seçməsinin 1:0 hesablı üstünlüyü ilə yekunlaşıb.

İkinci hissəsinin əvvəlində yenidən rəqibin qapısı qarşısında təhlükəli vəziyyətlər yaradan İngiltərə millisi hesab arasındakı fərqi iki topa çatdırıb. Qarşılaşmanın 46-cı dəqiqəsində Hari Keyna qarşı Ukrayna millisinin müdafiəçiləri kobud oynayıb. Lük Şounun cərimə meydançasına ötürdüyü topa hamıdan tez yetişən Hari Maquayer komandasının vacib qoluna imza atıb. Qoldan 4 dəqiqə sonra İngiltərə millisi üçüncü dəfə fərqlənməyə nail olub. Belə ki, Rahim Sterlinq və Lük Şounun qurduğu hücumu Hari Keyn dəqiq baş zərbəsi ilə tamamlayıb. Bu da oyunda son qol olmayıb. Matçın 63-cü dəqiqəsində İngiltərə millisi Ukrayna yığmasının qapısından dördüncü topu keçirib. Meyson Mountun künc zərbəsindən ötürdüyü topu meydana yenicə daxil olmuş Cordan Henderson baş zərbəsi ilə tamamlayıb.

Komandaların cəhdlərinə baxmayaraq oyunun sonunadək hesab dəyişməyib. Beləliklə, 4:0 hesabı ilə qalib gələn İngiltərə yığması “Avro-2020”nin yarımfinal mərhələsinə adlayıb.

Qaret Sautqeytin yetirmələri növbəti mərhələdə Danimarka millisi ilə qarşılaşacaq. Danimarkalılar Bakı Olimpiya Stadionunda Çexiya seçməsindən üstün olub - 2:1.

Xatırladaq ki, mübarizəyə D qrupunda başlayan İngiltərə yığması ilk görüşdə Xorvatiyaya (1:0) daha sonra Çexiyaya (1:0) qalib gəlib. Qrupun digər oyununda Şotlandiya yığması ilə qolsuz heç-heçə edərək lider kimi səkkizdəbir finala yüksəlib. İngilislər səkkizdəbir finalda turnirin favoritlərindən sayılan Almaniya millisini mübarizdən kənarlaşdırıb - 2:0.

“Avro-2020”nin yarımfinal mərhələsinin görüşləri iyulun 6-7-də, final matçı isə iyulun 11-də keçiriləcək. Yarımfinal və final görüşlərinə Londondakı “Uembli” stadionu ev sahibliyi edəcək. Birinci yarımfinal matçında İtaliya və İspaniya komandaları, bir gün sonra isə Danimarka və İngiltərə seçmələri qarşılaşacaqlar.

Qeyd edək ki, Bakı Olimpiya Stadionu “Avro-2020”nin A qrupu çərçivəsində Uels-İsveçrə (1:1), Uels–Türkiyə (0:2) və İsveçrə-Türkiyə (3:1) oyunlarına ev sahibliyi edib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video